દેશમાં રોજગારીના દરમાં વધારો જોવા મળ્યો છે,સંગઠિત અને અસંગઠિત ક્ષેત્રે રોજગારીની તકો ઉભી થઇ છે. એપ્રિલથી જૂન 2021 ના ત્રિમાસિક ગાળા દરમિયાન વર્ષ 2013-14થી અંદાજિત ત્રણ કરોડ આઠ લાખ લોકોને રોજગારી આપવામાં આવી છે અને 29 ટકાની વૃદ્ધિ નોંધાઇ છે. એક એહેવાલમાં પ્રકાશિત થયો છે.
કેન્દ્રીય શ્રમ અને રોજગાર મંત્રી ભૂપેન્દ્ર યાદવે સોમવારે અહીં 10 થી વધુ લોકોને રોજગારી આપતા બિન-કૃષિ એકમોમાં રોજગાર સર્વેક્ષણનો પ્રથમ અહેવાલ (એપ્રિલથી જૂન 2021) બહાર પાડ્યો અને કહ્યું કે હવે સરકારના પ્રયાસોથી રોજગાર સર્વેનો અહેવાલ હવે નિયમિત. દર ત્રિમાસિકમાં જારી કરવામાં આવશે.આ સાથે, યોજનાઓ બનાવવા અને તેનો અમલ કરવા માટે સરકારને નક્કર ડેટા ઉપલબ્ધ થશે.
આ અહેવાલનો આધાર વર્ષ 2013-14 માટે બનાવવામાં આવ્યો છે અને બિન-કૃષિ ક્ષેત્રના નવ ઉદ્યોગોના એકમોને સમાવવામાં આવ્યા છે. તેમાં મેન્યુફેક્ચરિંગ, બાંધકામ, વેપાર, પરિવહન, શિક્ષણ, આરોગ્ય, આવાસ અને હોટલ, આઈટી અને બીપીઓ અને નાણાકીય સેવાઓનો સમાવેશ થાય છે. રિપોર્ટ અનુસાર વર્ષ 2013-14 થી, આ ઉદ્યોગો સંબંધિત એકમોમાં અંદાજિત ત્રણ કરોડ આઠ લાખ લોકોને રોજગારી મળી છે અને 29 ટકાનો વધારો થયો છે. આ પ્રસંગે કેન્દ્રીય શ્રમ અને રોજગાર રાજ્ય મંત્રી રામેશ્વર તેલી અને મંત્રાલયના વરિષ્ઠ અધિકારીઓ ઉપસ્થિત રહ્યા હતા.
રિપોર્ટ અનુસાર રોજગારી પૂરી પાડવામાં આઇટી અને બીપીઓ સેક્ટરમાં સૌથી વધુ 152 ટકા વૃદ્ધિ નોંધાઇ છે, જ્યારે આરોગ્ય 77 ટકા, શિક્ષણ 39 ટકા, ઉત્પાદન ક્ષેત્ર 22 ટકા, પરિવહન 68 ટકા અને બાંધકામ 42 ટકા ચોપડે જોવા મળે છે. જો કે, વ્યવસાયમાં રોજગારીમાં 25 ટકા, આવાસ અને હોટલોમાં 13 ટકાનો ઘટાડો થયો છે. નાણાકીય સેવા સંબધિત રોજગારમાં 48 ટકાનો વૃદ્ધિ દર જોવા મળે છે
રિપોર્ટમાં કહેવામાં આવ્યું છે કે રોજગારીમાં મહિલાઓનો હિસ્સો વધીને 29 ટકા થયો છે, જે અગાઉ 31 ટકાથી થોડો ઓછો હતો. આ નવ ક્ષેત્રોમાં નિયમિત કામદારો અંદાજે 88 ટકા કર્મચારીઓની રચના કરે છે. જો કે, 18 ટકા બાંધકામ કામદારો કોન્ટ્રાક્ટ કામદારો છે અને 13 ટકા પાર્ટ-ટાઇમ કામદારો છે.
