ઇન્ડિયન પ્રીમિયર લીગની 14 મી સિઝનની બાકીની મેચો આ સપ્તાહથી શરૂ થવા જઈ રહી છે. ટુર્નામેન્ટની બાકીની 31 મેચ 19 સપ્ટેમ્બરથી 15 ઓક્ટોબર દરમિયાન યુએઈમાં યોજાવાની છે. ટૂર્નામેન્ટની શરૂઆત પહેલા જ દિલ્હી કેપિટલ્સની ટીમને આંચકો લાગ્યો છે. ટીમ સ્પિનર મણિમરણ સિદ્ધાર્થ ઈજાને કારણે ટૂર્નામેન્ટમાંથી બહાર થઈ ગયો છે.
ડાબા હાથના સ્પિનર મણિમરણ સિદ્ધાર્થ ઈજાને કારણે બહાર થઈ ગયા બાદ દિલ્હી કેપિટલ્સે બાકીની IPL માટે ડાબા હાથના ઝડપી બોલર કુલવંત ખેજરોલીયાને તેમની મુખ્ય ટીમમાં સામેલ કર્યા છે. દિલ્હી કેપિટલ્સે બુધવારે કહ્યું, ‘ઈજાને કારણે સિદ્ધાર્થ IPL 2021 માં રમી શકશે નહીં. 23 વર્ષીય દુબઈમાં પ્રેક્ટિસ દરમિયાન ઘાયલ થયો હતો. કુલવંત નેટ બોલર તરીકે દિલ્હી કેપિટલ્સના બાયો-બબલનો ભાગ છે અને હવે તેનો સમાવેશ મુખ્ય ટીમમાં કરવામાં આવ્યો છે.
🚨 SQUAD UPDATE 🚨
Left-arm pacer @KKhejroliya, who was already a part of the DC bio-bubble as a net bowler, joins the roster for the remainder of #IPL2021 as @Siddharth_M03‘s replacement.
Official Statement 👉🏼 https://t.co/ZSH8HxiZVP#YehHaiNayiDilli pic.twitter.com/0zdh7PLfR5
— Delhi Capitals (@DelhiCapitals) September 15, 2021
છેલ્લી સીઝનમાં રનર અપ રહેલી દિલ્હીની ટીમે આ સિઝનમાં પણ શાનદાર રમત દર્શાવી છે. નિયમિત કેપ્ટન શ્રેયસ અય્યરની ઈજાને કારણે ટીમ નવા કેપ્ટન રિષભ પંતના નેતૃત્વમાં રમવા માટે બહાર આવી હતી. હવે અય્યર પણ સંપૂર્ણ રીતે ફિટ છે અને તેની વાપસીથી ટીમ મજબૂત થશે. જોકે, અત્યાર સુધી કેપ્ટનશિપ અંગે કશું સ્પષ્ટ નથી. દિલ્હીની ટીમ હાલમાં પોઈન્ટ ટેબલમાં ટોચ પર ચાલી રહી છે. 8 માંથી કુલ 6 મેચ જીત્યા બાદ દિલ્હીના 12 પોઇન્ટ હતા અને તે પ્લેઓફમાં પહોંચવાની નજીક છે. બીજા સ્થાને ચેન્નઈ સુપર કિંગ્સની ટીમ છે જેણે 7 માંથી 5 મેચ જીતી છે. રોયલ ચેલેન્જર્સ બેંગ્લોરની ટીમે પણ એટલી જ મેચ જીતી છે પરંતુ નેટ રન રેટના આધારે તે ત્રીજા સ્થાને છે.
