કાર્તિક વાજા. ઉના@મંતવ્ય ન્યૂઝ
સમગ્ર પંથકમાં તમામના માલઢોર વાડીએ જ બંધાતા હોય છે પરંતુ લાઈટના હોવાથી પાણી પાવાની મુશ્કેલી
ઉના શહેર અને ગ્રામ્ય વિસ્તારના ખેતી વિસ્તારમાં મોટા ભાગના વિસ્તાર વિજ પુરવઠો પહોંચ્યો નથી . ત્યારે વિજય રૂપાણી ઉના આવ્યા ત્યારે કહ્યું હતુ કે ઉનાને કચ્છને ભૂકંપ પછી જેમ ઉભુ કર્યું. તેમ ઉનાને ઉભુ કરવામાં આવશે. પરંતુ ઊના પંથકની સ્થિતી જોઇએ તો ખાલી વાતો જ થઇ હોય તેમ ગોકળ ગતિ એ કામ થઇ રહ્યુ છે.
ખેતી વિસ્તારોમાં સર્વે જ થયા નથી. સમગ્ર પંથકમાં તમામના માલઢોર વાડીએ જ બંધાતા હોય છે.પરંતુ લાઈટના હોવાથી પાણી પાવાની મુશ્કેલી ઊભી થાય છે. જો યુદ્ધના ધોરણે કામ નહિ કરવામાં આવે તો ચોમાસું બેઠી જશે. અને 4 મહિના સુધી કામ નહિ કરી શકે અને વાડી વિસ્તારમાં રહેતા લોકો અને માલઢોર હેરાન પરેશાન થશે.
ત્યારે ઉનાના ધારાસભ્ય પુંજાભાઈ વંશ અને શહેર કોંગ્રેસ સમિતિ પ્રમુખ ગુણવંત ભાઇ તળાવિયા , ઉના તાલુકા કોંગ્રેસ સમિતિ પ્રમુખ રામભાઇ ડાભી, યુથ કોંગ્રેસ પ્રમુખ કમલેશભાઈ બાંભણિયા સહિત કોંગ્રેસ સમિતિના આગેવાનો દ્વારા પ્રાંત અધિકારી મારફત મુખ્યમંત્રીને આવેદનપત્ર આપવામાં આવેલ હતું.
