ફિલ્મ ઈન્ડસ્ટ્રીને જબરદસ્ત અને સુપરહિટ ફિલ્મો આપનાર ફિલ્મ નિર્માતા અને દિગ્દર્શક કરણ જોહર લગભગ 6 વર્ષ પછી ફિલ્મ ‘રોકી ઔર રાની કી પ્રેમ કહાની’થી ડિરેક્ટર તરીકે વાપસી કરી રહ્યા છે. આ ફિલ્મમાં આલિયા ભટ્ટ અને રણવીર સિંહ લીડ રોલમાં જોવા મળશે. આ ફિલ્મમાં ધર્મેન્દ્ર, જયા બચ્ચન અને અભિનેત્રી શબાના આઝમી પણ મુખ્ય ભૂમિકામાં છે. ફિલ્મનું પોસ્ટ પ્રોડક્શન પૂર્ણ થઈ ગયું છે, ચાહકો આતુરતાથી ફિલ્મની રિલીઝની રાહ જોઈ રહ્યા છે. આ સાથે જ ફિલ્મ નિર્માતાએ હાલમાં જ ચાહકો માટે એક ખુશખબર આપી છે, તમને પણ આ જાણીને ખુબ જ ખુશી થશે.
View this post on Instagram
‘રોકી ઔર રાની કી પ્રેમ કહાની’નો ફર્સ્ટ લૂક
ફિલ્મ ઈન્ડસ્ટ્રીમાં 25 વર્ષ પૂર્ણ થયાની ખુશીમાં કરણ જોહરે ઈન્સ્ટાગ્રામ પર એક વીડિયો શેર કર્યો છે. ફિલ્મ ઈન્ડસ્ટ્રીમાં 25 વર્ષ પૂરા થયાના અવસર પર, ફિલ્મ નિર્માતાએ તેના સત્તાવાર ઇન્સ્ટાગ્રામ હેન્ડલ પર એક વીડિયો શેર કર્યો છે જેમાં ચાહકોને તેની સુપરહિટ ફિલ્મોની કેટલીક ઝલક બતાવવામાં આવી છે. કરણ જોહરે એ પણ જણાવ્યું કે ફિલ્મ ‘રોકી ઔર રાની કી પ્રેમ કહાની’નો ફર્સ્ટ લૂક આવતીકાલે તેના જન્મદિવસ પર રિલીઝ કરવામાં આવશે.
વીડિયોમાં કરણ જોહરની હિટ ફિલ્મોની કેટલીક ક્લિપ્સ તેના બેકગ્રાઉન્ડ અવાજ સાથે દર્શાવવામાં આવી છે. વીડિયોની શરૂઆત ફિલ્મ ‘કુછ કુછ હોતા હૈ’ના રાહુલ-અંજલી-ટીનાના એક સીનથી થાય છે અને આ વીડિયોના બેકગ્રાઉન્ડમાં કરણ જોહર તેના ચાહકો સાથે તેના દિલની વાત શેર કરી રહ્યો છે.” પ્રેમની સફર તેના સંઘર્ષો અને પડકારો સાથે આવે તો છે, પરંતુ… તે પ્રેમકથાનો અંત પણ સુખદ રીતે સમાપ્ત થાય છે.” ફિલ્મ ‘રોકી ઔર રાની કી પ્રેમ કહાની’ એક એવી ફિલ્મ છે જે હું તમને બધાને બતાવવા માટે ઘણા સમયથી રાહ જોઈ રહ્યો હતો. આખરે અમે આ ફિલ્મની ઝલક બતાવવા માટે તૈયાર છીએ, તમે એવી ફિલ્મો જુઓ જ્યાં અમે પ્રેમ, પરિવાર અને સંબંધો દર્શાવીએ છીએ.” આભાર વ્યક્ત કરતા, કરણ જોહરે એક લાંબો કેપ્શન લખ્યું, ‘#RockyAurRaniKiiPremKahaani આવતીકાલે પહેલીવાર જુઓ! 28 જુલાઈએ થિયેટરોમાં. જણાવી દઈએ કે આવતીકાલે ફિલ્મ નિર્માતા અને નિર્દેશક કરણ જોહરનો જન્મદિવસ પણ છે.
આ સમયે ફર્સ્ટ લુક રિલીઝ થશે –
આલિયા ભટ્ટ, સુઝેન ખાન, મનીષ મલ્હોત્રા અને અન્ય સેલેબ્સે આ પોસ્ટ પર પ્રતિક્રિયા આપી છે. અભિનેતા પારસ કાલનાવતે લખ્યું, “તમે અમારા બધામાં રોમાંસનું બીજ વાવ્યું છે. બીજી માસ્ટરપીસ જોવા માટે રાહ જોઈ શકતો નથી.” આ દરમિયાન કરણ જોહરના ધર્મા પ્રોડક્શને પણ ઈન્સ્ટાગ્રામ સ્ટોરી પર તેની પોસ્ટ શેર કરી અને લખ્યું, ‘એક લવ સ્ટોરી સાથે.’ ફિલ્મ ‘રોકી ઔર રાની કી પ્રેમ કહાની’નો ફર્સ્ટ લૂક આવતીકાલે સવારે 10 વાગ્યે રિલીઝ થશે.
આ પણ વાંચો:ટીવી અભિનેત્રી વૈભવી ઉપાધ્યાયનું માર્ગ અકસ્માતમાં મોત
આ પણ વાંચો:થોર અભિનેતા નું અવસાન, 2 દિવસ પછી હતો જન્મદિવસ, RRRના દિગ્દર્શકે કર્યો શોક વ્યક્ત
આ પણ વાંચો: ‘દહાડ’ એક્ટરે રૂમર્ડ કપલના અફેર પર કહી આટલી મોટી વાત
આ પણ વાંચો: બંગાળી એન્ટરટેનમેન્ટ ઇન્ડસ્ટ્રીમાંથી દુખદ સમાચાર, 29 વર્ષની પ્રખ્યાત બંગાળી અભિનેત્રીનું માર્ગ
