કેન્દ્રીય નાણા મંત્રી નિર્મલા સીતારમણ મંગળવારે સંસદમાં આર્થિક સર્વે 2022-23 (Economic Survey 2022-23) રજૂ કરશે. બજેટના એક દિવસ પહેલા રજુ થનાર આ આર્થિક સર્વે (Economic Survey) આગામી બજેટનો સ્પષ્ટ ચિતાર આપે છે. આપને જણાવી દઈએ કે સામાન્ય બજેટ 1 ફેબ્રુઆરીએ રજૂ કરવામાં આવશે. 2024ની લોકસભા ચૂંટણી પહેલા મોદી સરકારનું આ છેલ્લું પૂર્ણ બજેટ છે. જણાવી દઈએ કે મોદી સરકારે 2014થી અત્યાર સુધી કુલ 9 બજેટ રજૂ કર્યા છે. આ વર્ષે 10મું બજેટ રજૂ થવા જઈ રહ્યું છે.
શું હોય છે આર્થિક સર્વે?
નાણામંત્રી દર વર્ષે 1 ફેબ્રુઆરીએ દેશનું સામાન્ય બજેટ (Union Budget) રજૂ કરે છે. આના એક દિવસ પહેલા જ આર્થિક સર્વેક્ષણ સંસદ સમક્ષ મૂકવામાં આવ્યું છે. આર્થિક સર્વે એ બજેટનો આધાર છે, જે અર્થતંત્રનું સંપૂર્ણ ચિત્ર દર્શાવે છે. ઈકોનોમિક સર્વે દ્વારા સરકાર દેશની અર્થવ્યવસ્થા(Indian Economy) ની નવીનતમ સ્થિતિ વિશે જણાવે છે. જેમાં વર્ષ દરમિયાન વિકાસનો ટ્રેન્ડ, કયા સેક્ટરમાંથી કેટલી કમાણી થઈ, કયા સેક્ટરમાં કઈ યોજનાઓ અમલમાં આવી, જેવી બાબતોની વિગતો છે. સરળ શબ્દોમાં કહીએ તો, તેમાં સરકાર દ્વારા કેટલી રકમ જમા કરવામાં આવી અને તે એક વર્ષમાં ક્યાં ખર્ચવામાં આવી તેની સંપૂર્ણ વિગતો શામેલ છે.
કેવી રીતે તૈયાર થાય છે આર્થિક સર્વે?
નાણા મંત્રાલય અર્થશાસ્ત્ર સર્વે કરે છે. એક રીતે જોઈએ તો તે વાર્ષિક અહેવાલ છે જે બજેટ પહેલા આવે છે. મંત્રાલયોના આર્થિક બાબતોનો વિભાગ આ સર્વે તૈયાર કરે છે. આર્થિક સર્વે દેશના મુખ્ય આર્થિક સલાહકાર (CEA)ની દેખરેખ હેઠળ તૈયાર કરવામાં આવે છે. તેમની ટીમમાં CEA (Chief Economic Advisor) સાથે નાણાં અને આર્થિક બાબતોના નિષ્ણાતોનો સમાવેશ થાય છે. જણાવી દઈએ કે વી અનંત નાગેશ્વરનને તાજેતરમાં નવા CEA (Chief Economic Advisor) તરીકે નિયુક્ત કરવામાં આવ્યા છે. તેમણે કેવી સુબ્રમણ્યમની જગ્યા લીધી છે.
આ પણ વાંચો:સુરત-મુંબઇ હાઇવે પર અકસ્માત, બારડોલીના NRI પરિવારના 4 લોકોના મોત
આ પણ વાંચો:ભારતમાં ફુગાવો 2023માં ઘટીને 5%, 2024માં ઘટીને 4% શકે: IMF
આ પણ વાંચો: વૈશ્વિક વૃદ્ધિ 3.4 ટકાથી ઘટી 2.9 ટકા થશે, પરંતુ ભારત અપવાદઃ IMF
