હેનલી પાસપોર્ટ ઈન્ડેક્સમાં ભારતનો ક્રમ ગત વર્ષની સરખામણીમાં છ સ્થાન ઘટીને 90 પર આવી ગયો છે, જે વિશ્વનાં સૌથી વધુ મુસાફરી-મૈત્રીપૂર્ણ પાસપોર્ટની યાદી આપે છે. એનએસ હેનલી પાસપોર્ટ ઇન્ડેક્સ એવા સમયે આવ્યો છે જ્યારે તમામ દેશ કોવિડ-19 વૈશ્વિક મહામારીનાં લગભગ બે વર્ષ પછી આંતરરાષ્ટ્રીય મુલાકાતીઓ માટે મુસાફરીનાં નિયમો હળવા કરી રહ્યા છે.
આ પણ વાંચો – ભાવ વધારો / તો શું નહી મળે સામાન્ય નાગરિકને રાહત? આજે ફરી વધ્યા પેટ્રોલ-ડીઝલનાં ભાવ
આપને જણાવી દઇએ કે, જાપાન અને સિંગાપોર પાસે વિશ્વનાં સૌથી શક્તિશાળી પાસપોર્ટ છે. આ યાદીમાં સૌથી નીચે પાકિસ્તાન અને ઉત્તર કોરિયા છે. વળી, ભારતીય પાસપોર્ટ બુર્કિના ફાસો, તાજિકિસ્તાન સાથે 90 માં ક્રમે છે. આ દેશનાં પાસપોર્ટ ધારકો વિઝા વગર 58 દેશોમાં પ્રવેશ કરી શકે છે. હેનલી એન્ડ પાર્ટનર્સે વિશ્વનાં સૌથી શક્તિશાળી પાસપોર્ટની રેન્કિંગ જાહેર કરી છે. ફર્મનાં હેનલી પાસપોર્ટ ઇન્ડેક્સ વિશ્વનાં તમામ પાસપોર્ટને તેમના ધારકોની સંખ્યા અનુસાર વર્ગીકૃત કરે છે, જ્યા તેમના ધારકો વિઝા વિના જઇ શકે છે. જો કે, ઇન્ડેક્સ કોવિડ-19 ને કારણે વિશ્વનાં દેશો દ્વારા લાદવામાં આવેલા અસ્થાયી મુસાફરી પ્રતિબંધોને ધ્યાનમાં લેતી નથી.
વિશ્વનાં 10 સૌથી શક્તિશાળી પાસપોર્ટ
1. જાપાન, સિંગાપોર (સ્કોર: 192)
2. જર્મની, દક્ષિણ કોરિયા (સ્કોર: 190)
3. ફિનલેન્ડ, ઇટાલી, લક્ઝમબર્ગ, સ્પેન (સ્કોર: 189)
4. ઓસ્ટ્રિયા, ડેનમાર્ક (સ્કોર: 188)
5. ફ્રાન્સ, આયર્લેન્ડ, નેધરલેન્ડ, પોર્ટુગલ, સ્વીડન (સ્કોર: 187)
6. બેલ્જિયમ, ન્યૂઝીલેન્ડ, સ્વિટ્ઝરલેન્ડ (સ્કોર: 186)
7. ચેક રિપબ્લિક, ગ્રીસ, માલ્ટા, નોર્વે, યુનાઇટેડ કિંગડમ, યુનાઇટેડ સ્ટેટ્સ (સ્કોર: 185)
8. ઓસ્ટ્રેલિયા, કેનેડા (સ્કોર: 184)
9. હંગેરી (સ્કોર: 183)
10. લિથુનીયા, પોલેન્ડ, સ્લોવાકિયા (સ્કોર: 182)
આ પણ વાંચો – અકસ્માત / દેશનાં આ ભાગમાં થયો એવો અકસ્માત, લોકોની નીકળી ગઇ ચીસો, 13 લોકોનાં મોત
વિશ્વના 10 સૌથી ઓછા શક્તિશાળી પાસપોર્ટ:
1. ઈરાન, લેબેનોન, શ્રીલંકા, સુદાન (સ્કોર: 41)
2. બાંગ્લાદેશ, કોસોવો, લિબિયા (સ્કોર: 40)
3. ઉત્તર કોરિયા (સ્કોર: 39)
4. નેપાળ, પેલેસ્ટિનિયન પ્રદેશ (સ્કોર: 37)
5. સોમાલિયા (સ્કોર: 34)
6. યમન (સ્કોર: 33)
7. પાકિસ્તાન (સ્કોર: 31)
8. સીરિયા (સ્કોર: 29)
9. ઇરાક (સ્કોર: 28)
10. અફઘાનિસ્તાન (સ્કોર: 26)
આ પણ વાંચો – ગુજરાત / આજથી રાજ્યભરમાં નવલી નવરાત્રીનો પ્રારંભ, ખેલૈયાઓ મન મૂકીને રમશે રાસ-ગરબા
લંડન સ્થિત વૈશ્વિક નાગરિકત્વ અને રેસીડેન્સી સલાહકાર કંપની હેનલી એન્ડ પાર્ટનર્સ દ્વારા તૈયાર કરાયેલા, હેનલી પાસપોર્ટ ઇન્ડેક્સ “વિશ્વનાં તમામ પાસપોર્ટની મૂળભૂત રેન્કિંગ” હોવાનો દાવો કરે છે. ઇન્ડેક્સ 227 સ્થળો અને 199 પાસપોર્ટને આવરી લે છે.
