ક્રિકેટનાં મેદાનમાં એક દેશનાં ખેલાડીઓનું બીજી ટીમનાં ખેલાડીઓ સાથે ઘર્ષણ અને ગુસ્સો વ્યક્ત કરવો સામાન્ય બાબત છે, પરંતુ એક જ ટીમનાં ખેલાડીઓમાં આવું બહુ ઓછું જોવા મળ્યું છે. ગુરુવારે T20 વર્લ્ડકપમાં ઓસ્ટ્રેલિયા અને બાંગ્લાદેશ વચ્ચે રમાયેલી મેચમાં કંઈક આવું જ થયું હતું, જ્યાં બાંગ્લાદેશનો ફાસ્ટ બોલર તસ્કીન અહેમદ કેચ છોડવા બદલ સાથી ખેલાડી સૌમ્યા સરકાર પર ભડકતો જોવા મળ્યો હતો.
આ પણ વાંચો – T20 World Cup / શ્રીલંકા વિરુદ્ધ હાર બાદ વેસ્ટ ઈન્ડિઝનાં ઓલરાઉન્ડર ખેલાડી ડ્વેન બ્રાવોએ કરી નિવૃત્તિની જાહેરાત
આ ઘટના ઓસ્ટ્રેલિયાની ઇનિંગ્સની ત્રીજી ઓવરમાં બની હતી, જ્યાં કાંગારૂ કેપ્ટન એરોન ફિન્ચે તસ્કિન સામે એરિયલ શોટ રમ્યો હતો. તેનો વીડિયો ICC દ્વારા તેના ઈન્સ્ટાગ્રામ પર પણ શેર કરવામાં આવ્યો છે. અહીં તસ્કીનનાં ગુસ્સાનું એક કારણ એ પણ છે કે તે સમયે સરકાર બાઉન્ડ્રીથી ઘણો આગળ આવી ગઈ હતી. તે સમયે જો તે બાઉન્ડ્રી લાઇનની નજીક હોત તો આરામથી આ કેચ પકડી લેત. બાદમાં ફિન્ચે આ કેચ છોડવાનો જબરદસ્ત ફાયદો ઉઠાવ્યો અને માત્ર 20 બોલમાં 40 રનની ધમાકેદાર ઇનિંગ રમી. તેની ઇનિંગની મદદથી ઓસ્ટ્રેલિયાએ બાંગ્લાદેશ તરફથી મળેલા 74 રનનાં ટાર્ગેટને માત્ર 6.2 ઓવરમાં હાંસલ કરી લીધો હતો. ફિન્ચ સિવાય મિચેલ માર્શે માત્ર 5 બોલમાં બે ચોક્કા અને એક છક્કાની મદદથી 16 રન બનાવ્યા હતા.
https://www.instagram.com/reel/CV2nRmIlZJP/?utm_source=ig_web_copy_link
આ પણ વાંચો – T20 World Cup / કેપ્ટન કોહલીએ મેદાન પર કર્યો ‘My Name is Lakhan’ ગીત પર ડાન્સ, જુઓ Viral Video
સુપર 12 તબક્કામાં પ્રથમ જીતની શોધમાં ઓસ્ટ્રેલિયા વિરુદ્ધ બાંગ્લાદેશની શરૂઆત ખરાબ રહી અને ટીમે માત્ર 33 રનમાં તેના ટોચનાં પાંચ બેટ્સમેનોની વિકેટ ગુમાવી દીધી. ટીમ અંત સુધી આ આંચકોમાંથી બહાર નીકળી શકી ન હોતી અને 73 રનમાં આઉટ થઈ ગઈ હતી. ઓસ્ટ્રેલિયા માટે લેગ સ્પિનર એડમ ઝામ્પાએ શાનદાર બોલિંગ કરતા 19 રનમાં પાંચ વિકેટ લીધી હતી. આ શાનદાર બોલિંગ માટે તેને મેન ઓફ ધ મેચ પણ જાહેર કરવામાં આવ્યો હતો. T20 ઈન્ટરનેશનલ ક્રિકેટમાં ઓસ્ટ્રેલિયાની આ સૌથી મોટી જીત છે.
