કેન્દ્રશાસિત પ્રદેશ લદ્દાખનાં લેહમાં મધ્યરાત્રિએ તીવ્ર ભૂકંપનાં આંચકા અનુભવાયા હતા. જેની તીવ્રતા રિક્ટર સ્કેલ પર 3.8 માપવામાં આવી હતી. જો કે આ ભૂકંપમાં હજુ સુધી કોઈ નુકસાનની જાણ કરવામાં આવી નથી. મ્યાનમારમાં પણ મોડી રાત્રે ભૂકંપનાં આંચકા અનુભવાયા હતા. તેની અસર ગુવાહાટીમાં અનુભવાઈ છે અને ત્યાં પણ હળવા આંચકા અનુભવાયા હતા. લેહમાં આજે 12:30 વાગ્યે 3.8 ની તીવ્રતા સાથે ભૂકંપ આવ્યો હતો. આંચકા બાદ ઘણા લોકો ઘરની બહાર દોડી આવ્યા હતા. વળી, ઘણા લોકોનાં ચહેરા પર ભય પણ દેખાતો હતો.
આ પણ વાંચો – OMG! / ટાઇટ જીન્સનાં શોખીનો જોઇ લો આ યુવતીની હાલત, સુંદર દેખાવાનાં ચક્કરમાં થઇ ગઇ હવા ટાઇટ
લેહમાં છેલ્લા એક મહિના દરમિયાન બીજી વખત ભૂકંપનાં આંચકા અનુભવાયા છે. ગયા મહિને 13 સપ્ટેમ્બરે અહીં ભૂકંપ આવ્યો હતો. અલવીમાં ભૂકંપનાં આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 4.2 માપવામાં આવી હતી. ભૂકંપનું કેન્દ્ર અલવીથી 89 કિમી દક્ષિણ-પશ્ચિમમાં અનુભવાયું હતું. લેહમાં છેલ્લા કેટલાક મહિનાઓથી સતત ભૂકંપનાં આંચકા અનુભવાયા છે. અગાઉ 25 માર્ચે લેહની જમીન અહીં હચમચી હતી. ગયા વર્ષે 27 સપ્ટેમ્બરે અને ફરી 6 ઓક્ટોબરે આંચકા અનુભવાયા હતા. તે સમયે ભૂકંપની તીવ્રતા 3.7 હતી અને ઓક્ટોબરમાં તે 5.1 હતી. જણાવી દઇએ કે, લેહ ઉપરાંત મ્યાનમારમાં પણ ભૂકંપનાં આંચકા અનુભવાયા હતા. તેની તીવ્રતા રિક્ટર સ્કેલ પર 5.0 માપવામાં આવી હતી. મળતી માહિતી મુજબ, મોડી રાત્રે 11:58 વાગ્યે આવેલા આ ભૂકંપ મ્યાનમારનાં મોનિવા વિસ્તાર પાસે આવ્યો હતો. તેની તીવ્રતા 5.5 આંકવામાં આવી છે. હમણાં સુધી, કોઈ મોટા નુકસાનનાં અહેવાલ નથી.
આ પણ વાંચો – Interesting / દુનિયાનો સૌથી શક્તિશાળી પાસપોર્ટ છે જાપાન-સિંગાપુરનો, જાણો ભારત કયા ક્રમે
આ પહેલા ગુરુવારે પાકિસ્તાનમાં ભૂકંપનાં તીવ્ર આંચકા અનુભવાયા હતા. જેમા ઓછામાં ઓછા 20 લોકોનાં મોતની આશંકા છે. 200 થી વધુ લોકો ઘાયલ થયા હતા. પાકિસ્તાનનાં હર્નેઈ વિસ્તારમાં આવેલા ભૂકંપની તીવ્રતા 6.0 માપવામાં આવી હતી. મળતી માહિતી મુજબ તે સવારે લગભગ 3.30 વાગ્યે આવ્યો હતો. ભૂકંપને કારણે ઘણા મકાનો પણ તૂટી ગયા હતા. મકાન ધરાશાયી થવાનાં કારણે લોકો કાટમાળ નીચે દટાયા હતા.
