સાઉદી અરેબિયામાં પ્રથમ દારૂની દુકાન ખુલવા જઈ રહી છે. રાજધાની રિયાધમાં ખુલવા જઈ રહેલા આ સ્ટોરમાં માત્ર બિન-મુસ્લિમ રાજદ્વારીઓને જ દારૂ વેચવામાં આવશે. સૂત્રોના જણાવ્યા અનુસાર આ સ્ટોરમાંથી દારૂ ખરીદવા માટે ગ્રાહકોએ મોબાઈલ એપ દ્વારા પોતાનું રજિસ્ટ્રેશન કરાવવું અનિવાર્ય રહેશે. આ બાદ તેમને વિદેશ મંત્રાલય તરફથી ક્લિયરન્સ કોડ મોકલવામાં આવશે. આ પછી જ તેઓ સ્ટોરમાંથી દારૂ ખરીદી શકશે. જો કે, તમે દર મહિને નિયત ક્વોટા હેઠળ જ દારૂ ખરીદી શકશો. આને સાઉદી ક્રાઉન પ્રિન્સ મોહમ્મદ બિન સલમાનના નેતૃત્વમાં સરકાર દ્વારા લેવામાં આવેલા પ્રગતિશીલ પગલાઓની દિશામાં એક સિદ્ધિ તરીકે જોવામાં આવી રહ્યું છે. આને પણ સલમાનના વિઝન 2030નો એક ભાગ માનવામાં આવી રહ્યો છે.
ઇસ્લામમાં દારૂ પીવાને હરામ માનવામાં આવે છે. પરંતુ સાઉદી સરકાર દેશમાં પ્રવાસન અને વ્યવસાયને પ્રોત્સાહન આપવા માટે તેના અતિ-રૂઢિચુસ્ત વલણમાં રાહત લાવી રહી છે. આ નવો સ્ટોર રિયાધના ડિપ્લોમેટિક ક્વાર્ટરમાં જ હશે. આ ક્વાર્ટરમાં ઘણા દેશોના દૂતાવાસ છે અને રાજદ્વારીઓ આ વિસ્તારમાં રહે છે. જો કે, હજુ સુધી એ સ્પષ્ટ નથી થયું કે બિન-મુસ્લિમ ઇમિગ્રન્ટ્સ પણ આ સ્ટોરમાંથી દારૂ ખરીદી શકશે કે નહીં.
સાઉદી અરેબિયાના ક્રાઉન પ્રિન્સ મોહમ્મદ બિન સલમાને 2016માં વિઝન 2030 નામની મહત્વાકાંક્ષી સુધારણા યોજના શરૂ કરી હતી. આ યોજનાનો ઉદ્દેશ સાઉદી અરેબિયાની અર્થવ્યવસ્થાને મજબૂત કરવાનો અને તેલની આવક પર તેની નિર્ભરતા ઘટાડવાનો છે. આ દિશામાં કામ કરવા માટે, સાઉદી અરેબિયાએ ઘણા દેશો સાથે વ્યૂહાત્મક ભાગીદારી કરી છે, જેમાંથી ભારત પણ એક
