રાજય સરકારે ‘ગુજરાતી ચલચિત્રો માટે ગુણવત્તા સમન્વિત પ્રોત્સાહન નીતિ – 2019’ અંતર્ગત ગુજરાતી ચલચિત્રો માટે 2020, 2021 અને 2022 વર્ષના વિવિધ શ્રેણીમાં પારિતોષિક અને રોકડ પુરસ્કારની જાહેરાત કરી છે.રાજયના મુખ્યમંત્રી ભૂપેન્દ્ર પટેલે આ અંગેની માહિતી ટ્વિટ દ્વારા આપી હતી.તેમણે ટ્વિટમાં આ અંગે વિસ્તૃત માહિતી આપતા કહ્યું હતું કે ગુજરાતી ચલચિત્રો માટે ગુણવત્તા સમન્વિત પ્રોત્સાહન નીતિ – 2019’ અંતર્ગત વર્ષ 2020, 2021 અને 2022 માટે વિવિધ શ્રેણીમાં પારિતોષિક અને રોકડ પુરસ્કાર માટે પસંદગી પામનાર શ્રેષ્ઠ ચલચિત્રો તેમજ શ્રેષ્ઠ કલાકાર કસબીઓની પસંદગી રાજ્ય સરકારે કરી છે.
આ ઉપરાંત, આર્થિક સહાય માટે પસંદગી પામનાર ચલચિત્રોની પસંદગી પણ કરવામાં આવી છે, જે અંતર્ગત રૂ. 5 લાખ થી રૂ. 50 લાખ સુધીની આર્થિક સહાય કરવામાં આવી છે. વિજેતા ફિલ્મો સાથે સંકળાયેલા સૌ કલાકસબીઓને ખૂબ-ખૂબ અભિનંદન પાઠવું છું.
મને જણાવતા આનંદ થાય છે કે ‘ગુજરાતી ચલચિત્રો માટે ગુણવત્તા સમન્વિત પ્રોત્સાહન નીતિ – 2019’ અંતર્ગત વર્ષ 2020, 2021 અને 2022 માટે વિવિધ શ્રેણીમાં પારિતોષિક અને રોકડ પુરસ્કાર માટે પસંદગી પામનાર શ્રેષ્ઠ ચલચિત્રો તેમજ શ્રેષ્ઠ કલાકાર કસબીઓની પસંદગી રાજ્ય સરકારે કરી છે.
આ ઉપરાંત,…
— Bhupendra Patel (@Bhupendrapbjp) August 1, 2023
સુંદર કથાનક ધરાવતી, ટેકનિકલી શ્રેષ્ઠ અને રાષ્ટ્રીય-આંતરરાષ્ટ્રીય સ્તરે યશ પામે તેવી રસપ્રદ ગુજરાતી ફિલ્મો વધુને વધુ પ્રમાણમાં બને તેવી કામના વ્યક્ત કરું છું. આ સાથે વિજેતા ફિલ્મો, કલાકાર-કસબીઓ તેમજ આર્થિક સહાય માટે પસંદ થયેલ ફિલ્મોની યાદી શૅર કરું છું: