અરેરાટી/ અભાગણી વિધવા જનેતા, એક સાથે ત્રણ બાળકીઓને આપ્યો જન્મ, સારવાર નહીં મળતા ત્રણેય નવજાતના મોત

આપણે ત્રાહિત વ્યક્તિ તરીકે કોઈને હંમેશા હકારાત્મક વિચારવા માટે સલાહ આપતાં હોઈએ છીએ.પરંતુ કેટલીક વખત એવી ઘટના બને છે કે હૃદય સુન્ન પડી જાય છે. ગુજરાતીમાં કહેવત છે “બાળોતિયાના બળેલા હોય તે ક્યાંય ન ઠરે.”તે જાણે આ કિસ્સામાં યથાર્થ ઠરે છે. આ વખતે તમે હકારાત્મક વિચારવાની સલાહ આપવાનું ભૂલી જાવ છો.ગુજરાતના અંકલેશ્વરમાં એવી ઘટના ઘટી છે કે એક માતાની ત્રણ નવજાત બાળકીઓ સારવારના અભાવે મૃત્યુ પામી હતી. અંકલેશ્વરના કાસુવાવાઝ ગામે શનિવારે સવારે ઉષા નામની મહિલાએ 3 પુત્રીને જન્મ આપ્યો હતો. છોકરીઓનું વજન ઓછું હતું અને શ્વાસ લેવામાં તકલીફ હતી. જ્યારે ખાનગી હોસ્પિટલમાં 7500 રૂપિયામાં બાળકીઓને સારવાર માટે મશીન રાખવાનો ખર્ચ થયો હોવાની જાણ થતાં પરિવારજનોએ આર્થિક તંગી સાથે સંઘર્ષ કરતાં તેને સુરતની સરકારી હોસ્પિટલમાં લઈ જવાનું નક્કી કર્યું હતું. ત્રણેય બાળકીઓ હોસ્પિટલ પહોંચતા પહેલા જ મરી ગઈ હતી.આ ઘટનાના પગલે તેના સમગ્ર પરિવારમાં અરેરાટી વ્યાપી જવા પામી હતી.

Political / દેશમાં ડેમોક્રેસી મરી રહી છે, છેલ્લા 6 વર્ષોમાં તમામ સંસ્થાઓ પર વ્યવસ્થિત રીતે હુમલા થઇ રહ્યા છે: રાહુલ ગાંધી

 આઠમા મહિનામાં જન્મ

બાળકીઓ મૃતક પુત્રીઓના મામા અજય રાઠોડે જણાવ્યું હતું કે બહેન ઉષાએ ગર્ભાવસ્થાના આઠમા મહિનામાં બાળકીઓને જન્મ આપ્યો હતો. શુક્રવારે ઉષાને અંકલેશ્વરની ખાનગી હોસ્પિટલમાં દાખલ કરવામાં આવી હતી. ઉષાએ આજે ​​સવારે અહીં ત્રણ છોકરીઓને જન્મ આપ્યો હતો. જો કે, ત્રણેય ખૂબ નબળી  હતી. અને તેમને શ્વાસ લેવામાં તકલીફ હતી. હોસ્પિટલે જણાવ્યું હતું કે દરેક બાળકીઓને મશીનમાં રાખવાની કિંમત 7500 રૂપિયા થતી હતી. જેથી બાળકીઓને  સુરતની સિવિલ હોસ્પિટલમાં લાવવામાં આવી રહી હતી.

Political / કપિલ સિબ્બલે કોંગ્રેસને ગણાવી નબળી પાર્ટી, જાણોો શું છે કારણ?

બાળકીનાં મોતની જાણ માતાને કરી નથી

સિવિલ હોસ્પિટલ પહોંચતા જ ટ્રોમા સેન્ટરના ડોકટરોએ જણાવ્યું કે ત્રણેય યુવતીઓના મોત નીપજ્યાં છે. આ સાંભળીને પરિવારજનોએ શોક વ્યક્ત કર્યો. જોકે, અંકલેશ્વરમાં બાળકીની માતાને હોસ્પિટલમાં દાખલ કરવામાં આવી છે અને બાળકીના મોતની જાણ તેમને કરી નથી. હાલમાં સિવિલ હોસ્પિટલના પોસ્ટમોર્ટમ રૂમમાં  બાળકીઓને રાખવામાં આવી છે.

લગભગ ચાર મહિના પહેલા પતિનું મોત નીપજ્યું હતું

અજય રાઠોડે જણાવ્યું હતું કે બહેન ઉષાના લગ્ન 7 વર્ષ પહેલા મહેશ પાટડિયા સાથે થયા હતા. પરિવારમાં 5 વર્ષનો પુત્ર પણ છે. મહેશ મજૂરી કામ કર્યા બાદ પરિવારનું ભરણપોષણ કરતો હતો. બીમારીના કારણે મહેશનું લગભગ ચાર મહિના પહેલા અવસાન થયું હતું.

Vaccine / ગુજરાતમાં કોરોનાની રસીને લઈ DY.CMનું ટ્વીટ, ખાનગી હોસ્પિટલમાં આટલા રૂ.માં મળશે રસી

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…