દેશમાં કોરોનાનાં વધતા ગ્રાફને જોતા વર્ષ 2020 માં વડાપ્રધાન મોદીએ લોકડાઉનની જાહેરાત કરી હતી. આ નિર્ણયની અસર કરોડો ભારતીઓનાં જીવન પર થઇ હતી. કરોડો લોકોએ આ દરમિયાન પોતાની નોકરી ગુમાવી તો ઘણા લોકોનાં ધંધા-રોજગાર ઠપ થઇ ગયા હતા. ઘણા આ સમયમાં સર્વાઇવ કરી શક્યા નહી તો એક એવો કિસ્સો પણ સામે આવ્યો કે જેમા એક શખ્સે આ દરમિયાન થયેલા નુકસાનની ભરપાઇ કરવા માટે પોતાની જ પત્નીનો ઉપયોગ કર્યો હતો.
જણાવી દઇએ કે, ઘટના લખનઉની છે, જ્યા એક વ્યક્તિ પોતાની પત્ની પર કેટલાક લોકો સાથે શારીરિક સંબંધ બાંધવા દબાણ કરી રહ્યો હતો. આ સાથે તે પત્નીને ટ્રિપલ તલાક આપી દેવાની ધમકી પણ આપી રહ્યો હતો. પીડિત મહિલા પોલીસ સ્ટેશન ગઈ હતી અને આ મામલે ફરિયાદ નોંધાવી હતી. પોલીસે આ મામલાની તપાસ શરૂ કરી છે. મળતી માહિતી પ્રમાણે લખનઉનાં થાણા ઠાકુરગંજનાં ડાલીગંજમાં રહેતા એક વ્યક્તિએ વર્ષ 2018 માં એક વિધવા મહિલા સાથે લગ્ન કર્યા હતા. મહિલાનો આરોપ છે કે આ લગ્ન માટે જે વ્યક્તિ આરોપી છે તેણે તેના બનાવટી માતા-પિતા બનાવ્યા હતા. જ્યારે પીડિતાને આ વિશે જાણ થઈ ત્યારે તેણે તેનો વાંધો ઉઠાવ્યો. ત્યારબાદ આ બાબતે આરોપીએ તેને ઢોર માર માર્યો હતો. પીડિતાએ આરોપ લગાવ્યો છે કે લગ્ન પહેલા વ્યક્તિએ તેને તેના પ્રેમની જાળમાં ફસાવી, ત્યારબાદ તેની સાથે અનેકો વખત દુષ્કર્મ ગુજાર્યો હતો અને ગર્ભપાત પણ કરાવ્યુ હતુ. જ્યારે તે લોકડાઉનમાં ધંધો ગુમાવી બેઠો ત્યારે તેણે તેના મિત્રો સાથે શારીરિક સંબંધ રાખવા દબાણ કર્યું. તેણે જ્યારે ના પાડી ત્યારે પતિએ તેને મારવાની અને ટ્રિપલ તલાકની ધમકી આપી હતી.
મહિલાએ આરોપી પતિ વિરુદ્ધ લખનઉનાં ઠાકુરગંજ પોલીસ સ્ટેશનમાં એફઆઈઆર નોંધાવી છે. હવે પોલીસ આ મામલે તપાસ કરી રહી છે. પોલીસે આરોપીને પૂછપરછ માટે પોલીસ સ્ટેશન બોલાવ્યો હતો. પોલીસનું કહેવું છે કે આ મામલો ટૂંક સમયમાં ઉકેલી લેવામાં આવશે.વળી આ કેસમાં એડીસીપી રાજેશ શ્રીવાસ્તવનાં જણાવ્યા મુજબ, મહિલાએ એક શખ્સનાં વિરુદ્ધ પ્રેમમાં ફસાવી લગ્ન, ગર્ભપાત અને મિત્રો સાથે શારીરિક સંબંધ બાંધવા જેવા આક્ષેપો લગાવ્યા છે. સાથે તેને ટ્રિપલ તલાક આપવાની પણ ધમકી આપવાનો આરોપ છે. પીડિતાની ફરિયાદ નોંધ્યા બાદ સમગ્ર મામલાની તપાસ કરવામાં આવી રહી છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
