T20 વર્લ્ડકપની સાતમી આવૃત્તિ શરૂ થઈ ગઈ છે અને તમામ ટીમોની નજર આ ટાઈટલ જીતવા પર હશે. આ દરમિયાન તમામ ટીમોની સુપર 12 મેચો શરૂ થઈ ગઈ છે. દુબઈમાં આયોજિત આ ટૂર્નામેન્ટમાં 16 ટીમો ભાગ લઈ રહી છે અને તેની ફાઈનલ મેચ 14 નવેમ્બર 2021 નાં રોજ રમાશે. અગાઉ આ ટૂર્નામેન્ટ 2016માં ભારતમાં આયોજિત કરવામાં આવી હતી, તે એડિશન વેસ્ટ ઈન્ડિઝે જીતી હતી.
આ પણ વાંચો – ICC T20 Ranking / વિરાટ અને રાહુલને રેન્કિંગમાં થયુ નુકસાન, પાકિસ્તાનનાં આ ખેલાડીને મળ્યો ફાયદો
વિરાટ કોહલી, રોહિત શર્મા, કાગિસો રબાડા, ડેવિડ વોર્નર, મિચેલ સ્ટાર્ક, ક્રિસ ગેલ, કિરોન પોલાર્ડ, કેન વિલિયમસન અને બાબર આઝમ જેવા ખેલાડીઓ આ વર્લ્ડ કપનો ભાગ છે. જો કે, કેટલાક મોટા નામ એવા પણ છે જેઓ પહેલીવાર આ ટૂર્નામેન્ટનો ભાગ નહીં હોય. આ તમામ દિગ્ગજ ખેલાડીઓ આ આવૃત્તિ પહેલાની તમામ આવૃત્તિઓનો ભાગ હતા. આ લેખમાં, અમે એવા 5 ખેલાડીઓનો ઉલ્લેખ કરવા જઈ રહ્યા છીએ, જેઓ પહેલીવાર આ T20 વર્લ્ડકપનો ભાગ નથી.
M S Dhoni
વિશ્વનાં શ્રેષ્ઠ કેપ્ટનોમાં ગણાતો મહેન્દ્ર સિંહ ધોની T20 વર્લ્ડકપ જીતનાર પ્રથમ કેપ્ટન હતો. તેણે તેની કેપ્ટનશીપ હેઠળ દક્ષિણ આફ્રિકામાં 2007 T20 વર્લ્ડકપમાં ભારતને જીત અપાવી અને 2016 થી દરેક વિશ્વકપમાં ભારતનું પ્રતિનિધિત્વ કર્યું. ધોનીએ ગયા વર્ષે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી અને આ પ્રથમ વખત બનશે જ્યારે તે ભારતીય ટીમમાં જોવા નહીં મળે. જોકે આ પૂર્વ કેપ્ટન ટીમ સાથે મેન્ટર તરીકે જોડાયેલો છે.
AB de Villiers
એબી ડી વિલિયર્સે 2018માં આંતરરાષ્ટ્રીય ક્રિકેટમાંથી નિવૃત્તિ જાહેર કરી હતી. એબી ડી વિલિયર્સ, મિસ્ટર 360 તરીકે પ્રખ્યાત છે, તે એક એવો બેટ્સમેન છે જે એકલા હાથે મેચનો નકશો ફેરવવાની ક્ષમતા ધરાવે છે. તેણે દક્ષિણ આફ્રિકા માટે ઘણી વખત સિંગલ હેન્ડ મેચો જીતી છે અને T20 વર્લ્ડકપમાં પણ તેનું પ્રદર્શન અસાધારણ રહ્યું છે. ડી વિલિયર્સે અત્યાર સુધીનાં તમામ T20 વર્લ્ડકપમાં ભાગ લીધો છે, આ પહેલો વર્લ્ડકપ હશે જ્યારે તે ટીમ સાથે રમતા જોવા નહીં મળે. એવા અહેવાલો હતા કે કદાચ તે નિવૃત્તિમાંથી બહાર આવશે પરંતુ અફસોસ એવું બન્યું નહીં. ડી વિલિયર્સે ટી20 વર્લ્ડકપમાં 30 મેચમાં 717 રન બનાવ્યા છે.
Yuvraj Singh
દરેક ભારતીય ચાહક ભારતનાં સ્ટાર ઓલરાઉન્ડર યુવરાજ સિંહને મિસ કરી રહ્યા છે, જેણે ભારતની પ્રથમ T20I ટાઇટલ જીતવામાં મહત્વની ભૂમિકા ભજવી હતી. યુવરાજ સિંહે ભારત માટે 31 વર્લ્ડકપ મેચ રમી છે જેમાં તેણે 12 વિકેટ લીધી છે અને 593 રન બનાવ્યા છે. ટી20 વર્લ્ડકપમાં એક ઓવરમાં છ સિક્સર મારનાર યુવરાજ સિંહ એકમાત્ર ખેલાડી છે. આ તેનો પહેલો વર્લ્ડકપ પણ હશે જ્યારે તે રમતો જોવા નહીં મળે.
Tillakaratne Dilshan
T20 વર્લ્ડકપનાં ઈતિહાસમાં ત્રીજા સૌથી વધુ રન બનાવનાર તિલકરત્ને દિલશાને આ પહેલા શ્રીલંકા માટે દરેક T20 વર્લ્ડકપમાં ભાગ લીધો હતો અને ટીમને શાનદાર શરૂઆત અપાવવામાં મહત્વની ભૂમિકા ભજવી હતી. 2014 વર્લ્ડકપમાં તેના પ્રભાવશાળી પ્રદર્શનને કારણે શ્રીલંકાએ પ્રથમ વખત T20 વર્લ્ડકપનો ખિતાબ જીત્યો હતો. દિલશાને શ્રીલંકા માટે 35 મેચ રમી છે, જેમાં તેણે 897 રન બનાવ્યા છે અને 2 વિકેટ લીધી છે. દરમિયાન, તેનો સર્વોચ્ચ સ્કોર અણનમ 96 છે, જે તેણે વેસ્ટ ઈન્ડિઝ સામે 2009ની સેમિફાઈનલમાં બનાવ્યો હતો. આ ખેલાડી પણ આ વર્લ્ડકપમાં શ્રીલંકા ટીમમાં નહી દેખવા મળે.
Shahid Afridi
પૂર્વ પાકિસ્તાની કેપ્ટન શાહિદ આફ્રિદીએ T20 વર્લ્ડકપમાં અત્યાર સુધીમાં 34 મેચ રમી છે અને 546 રન બનાવ્યા છે. દરમિયાન, તેના નામે 39 વિકેટ પણ છે, જે અત્યાર સુધીનાં T20 વર્લ્ડકપનાં ઇતિહાસમાં સૌથી વધુ વિકેટ હતી. શાકિબે તાજેતરમાં જ તેની વિકેટ લેવાનો રેકોર્ડ તોડ્યો હતો. આફ્રિદીએ રમતનાં તમામ ફોર્મેટમાંથી નિવૃત્તિ લઈ લીધી છે અને આ પ્રતિષ્ઠિત ટૂર્નામેન્ટમાંથી તે પ્રથમ વખત જોવા નહી મળે. જોકે તે હજુ પણ કેટલીક સ્થાનિક લીગમાં રમતા જોવા મળે છે.
