Amreli News: ગુજરાતમાં માર્ગ અકસ્માતની વધુ એક ઘટના સામે આવી છે. આ અંગે મળતા અહેવાલ પ્રમાણે અમરેલીના બગસરાના હડાળા પાસે અકસ્માત સર્જાયો હતો. બગસરાના હડાળાથી ડેરી પીપરીયા પાસે કારને અકસ્માત નડ્યો હતો.
કાર અચાનક રોડ પરથી ઉતરી જતાં અકસ્માત થયો
કારમાં સવાર ત્રણ લોકોના મોત નીપજ્યા હતા અને એક શખ્સ ઈજાગ્રસ્ત થતાં તેને સારવાર હેઠળ ખસેડાયો હતો. કાર અચાનક રોડ પરથી નીચે ઉતરી જતા અકસ્માત સર્જાયો હતો. કારની ધડાકાભેર વૃક્ષ સાથે ટક્કર થઈ હતી. ભયાનક અકસ્માતમાં કારનો કચ્ચરઘાણ વળી ગયો હતો. સમગ્ર ઘટનાની જાણ પોલીસ અને ફાયર વિભાગની ટીમ પહોચીં હતી.
ગેસ કટરથી કાર કાપી મૃતદેહો બહાર કઢાયા
અકસ્માત એટલો ભયાનક હતો કે તમામ મૃતદેહોને ગેસ કટરથી કાપીને બહાર કાઢવામાં આવ્યા હતા. અકસ્માતની જાણ થતાં જ અમરેલી ફાયર વિભાગની ટીમ તાત્કાલિક ઘટનાસ્થળે દોડી ગઈ હતી. કારને ભારે નુકસાન થયું હોવાથી તેમાં સવાર લોકોને બહાર કાઢવા માટે ફાયર વિભાગે રેસ્ક્યુ ઓપરેશન હાથ ધર્યું હતું. લાંબી જહેમત બાદ કારમાં ફસાયેલા લોકોને બહાર કાઢવામાં આવ્યા હતા. પોલીસે ઘટનાસ્થળે પહોંચીને કાયદાકીય કાર્યવાહી હાથ ધરી અને અકસ્માત કયા કારણોસર થયો તે અંગે વધુ તપાસ હાથ ધરા છે. આ અકસ્માતથી મૃતકના પરિવારમાં શોકનો માહોલ છવાયો છે.
