IPL 2026 MI vs GT : IPL 2026 ની 30મી મેચમાં મુંબઈ ઈન્ડિયન્સે (MI) ગુજરાત ટાઈટન્સને (GT) તેમના જ હોમ ગ્રાઉન્ડ પર 99 રનથી હરાવીને એકતરફી જીત નોંધાવી છે. મુંબઈની આ IPL ઈતિહાસમાં ચોથી સૌથી મોટી જીત છે.
તિલક વર્માનો ઐતિહાસિક રેકોર્ડ
આ મેચના અસલી હીરો તિલક વર્મા રહ્યા હતા. તેમણે માત્ર 45 બોલમાં જ પોતાની પ્રથમ IPL સદી ફટકારીને સનથ જયસૂર્યાના રેકોર્ડની બરાબરી કરી લીધી છે. તિલકે પોતાની ઈનિંગમાં 8 ચોગ્ગા અને 7 સિક્સર ફટકારી હતી. 20મી ઓવરના છેલ્લા બોલે ચોગ્ગો ફટકારીને તેમણે આ સિઝનનું સૌથી ઝડપી શતક પૂરું કર્યું હતું.
બુમરાહનો શાનદાર કમબેક
લાંબી રાહ જોયા બાદ જસપ્રીત બુમરાહે ફરી પોતાનો જાદુ બતાવ્યો હતો. તેમણે મેચના પહેલા જ બોલ પર ગુજરાતના ઇન-ફોર્મ બેટર સાઈ સુદર્શનને આઉટ કરીને પેવેલિયન ભેગા કર્યા હતા. બુમરાહે આ સિઝનમાં 114 બોલ પછી પોતાની પહેલી વિકેટ ઝડપી હતી.
રબાડાની 152.1 kmph ની સ્પીડે સૂર્યા બોલ્ડ
ગુજરાત ટાઈટન્સ તરફથી કગિસો રબાડાએ આક્રમક બોલિંગ કરી હતી. રબાડાએ 152.1 kmph ની અતિ ઝડપી ગતિએ સૂર્યકુમાર યાદવને ક્લીન બોલ્ડ કર્યો હતો. આ સિવાય રબાડાએ ક્વિન્ટન ડી કોકનો પોતાની જ બોલ પર શાનદાર કેચ પકડીને તેને પણ આઉટ કર્યો હતો.
નવા ખેલાડીઓનું ડેબ્યૂ (IPL 2026)
મુંબઈ ઈન્ડિયન્સે આ મેચમાં બે નવા ખેલાડીઓને તક આપી હતી. દાનિશ મલેવારે(IPL 2026) પોતાનો પહેલો મુકાબલો રમ્યો, જ્યારે સપોર્ટ બોલર તરીકે જોડાયેલા ક્રિશ ભગતને પણ પ્લેઈંગ ઈલેવનમાં સ્થાન મળ્યું હતું. બંને ખેલાડીઓ માટે આ તેમની પ્રોફેશનલ ટી-20 કારકિર્દીની પહેલી મેચ હતી.
મેચના મહત્વના આંકડા અને રેકોર્ડ્સ:
| વિગત | નોંધ |
| સૌથી ઝડપી સદી (MI) | તિલક વર્મા અને સનથ જયસૂર્યા (45 બોલ) |
| સૌથી મોટી જીત (MI) | 99 રનથી (IPL ઈતિહાસની ચોથી સૌથી મોટી) |
| રબાડાની ઝડપ | 152.1 kmph (સૂર્યાને બોલ્ડ કર્યો) |
| બુમરાહની વિકેટ | 114 બોલની રાહ જોયા બાદ પ્રથમ સફળતા |
