Ahmedabad News: અમદાવાદના લાંભા વોર્ડમાં મ્યુનિસિપલ કોર્પોરેશન (AMC) દ્વારા ખોદવામાં આવેલા ખાડામાં પડવાથી બે ગાયોના મોત થયા છે. આ ઘટના મ્યુનિસિપલ કોર્પોરેશન (AMC) ના દક્ષિણ ઝોન એન્જિનિયરિંગ વિભાગ અને કોન્ટ્રાક્ટરની ઘોર બેદરકારીને ઉજાગર કરે છે. કોર્પોરેશન (AMC) દ્વારા ખોદવામાં આવેલા ખાડામાં પાંચ પશુઓ પડી ગયા. સ્થાનિકોના જણાવ્યા અનુસાર, બે થી ત્રણ વાછરડા અને બે ગાય સહિત કુલ પાંચ પશુઓ ખાડામાં પડી ગયા.

સ્થાનિક સૂત્રો અનુસાર,  AMC દ્વારા ખોદાયેલ ગટર ચેમ્બરના ખાડામાં પશુઓ ખાબક્યા 

બે થી ત્રણ વાછરડા અને બે ગાય સહિત કુલ પાંચ પશુઓ ખાડામાં પડી ગયા. ત્રણને બચાવી લેવામાં આવ્યા હતા, પરંતુ બે ગાયો ખાડામાં જ મૃત્યુ પામી હતી. આ ઘટના વહેલી સવારે બની હતી. કોર્પોરેશને ગામમાં ગટર ચેમ્બર બનાવવા માટે ખાડો ખોદ્યો હતો. આ વિસ્તાર ગીચ વસ્તી ધરાવતા વિસ્તારમાં પશુઓનું પ્રમાણ મોટી સંખ્યામાં છે.

મ્યુનિસિપલ કોર્પોરેશનના એન્જિનિયરિંગ વિભાગ અને ગટર ચેમ્બર બનાવવા માટે જવાબદાર કોન્ટ્રાક્ટરની ઘોર બેદરકારીને કારણે, પશુઓ ખાડામાં પડી ગયા, જેના પરિણામે બે ગાયોના મોત થયા.

દક્ષિણ ઝોન એન્જિનિયરિંગ વિભાગના અધિકારીનો નબળો બચાવ

અમદાવાદ મ્યુનિસિપલ કોર્પોરેશન (AMC) ના દક્ષિણ ઝોન એન્જિનિયરિંગ વિભાગના અધિકારીના જણાવ્યા અનુસાર, બંને ગાયો લડી રહી હતી  જેના કારણે  ખાડામાં પડી અને મૃત્યુ પામી. આ મામલાની તપાસ થઈ રહી છે. ખાડાની આસપાસ બેરિકેડ લગાવવામાં આવ્યા હતા. જોકે, ખાડાની આસપાસ ક્યાંય પણ બેરિકેડ દેખાતા નહોતા, છતાં મ્યુનિસિપલ કોર્પોરેશનના અધિકારીએ બેરિકેડની હાજરી બતાવી પોતાનો બચાવ કર્યો.

આ પશુઓને બુલડોઝર મારફતે બહાર કાઢવામાં આવ્યા હતા.

શું કોન્ટ્રાક્ટર સામે કાર્યવાહી કરવામાં આવશે?

ઉલ્લેખનીય છે કે આજે, મ્યુનિસિપલ કોર્પોરેશન (AMC) દ્વારા અમદાવાદ શહેરના લાંભા વોર્ડના લાંભા ગામમાં એક લેક ગાર્ડનના ઉદ્ઘાટન માટે મેયર અને ધારાસભ્યની હાજરીમાં એક કાર્યક્રમનું આયોજન કરવામાં આવ્યું હતું. લાંભા વિસ્તારમાં આ ઘટના ત્યારે બની જ્યારે ભાજપના નેતાઓ લાંભામાં એક પાર્ટી પ્લોટ, કોમ્યુનિટી હેલ્થ સેન્ટર અને સ્ટ્રીટ લાઇટના થાંભલાના શિલાન્યાસ સમારોહ માટે હાજર હતા. આ વિસ્તારમાં ગંભીર બેદરકારી જોવા મળી છે, અને પ્રશ્ન એ રહે છે કે શું કોન્ટ્રાક્ટર સામે કોઈ કાર્યવાહી કરવામાં આવશે

આ પણ વાંચો:અમદાવાદના લાંભા મંદિર પાસે વહેલી સવારે ભીષણ આગ લાગી

આ પણ વાંચો:લાંભામાં પાંચ હજાર સરકારી સાયકલ ભંગારને આરે, વિદ્યાર્થીઓને સાયકલ ન મળી

આ પણ વાંચો:AMCના રેઢિયાળ તંત્રનો વધુ એક દાખલો લાંભા વોર્ડમાં અધિકારીઓ ની રાહ જોતું બિલ્ડીંગ 9-9 વર્ષ વીત્યા છતાં ના આવ્યા અધિકારી 2014 માં લોકાર્પણ થી ખાઈ રહ્યું છે ધૂળ અધિકારીઓને યાદ