Kutch News: કચ્છ જિલ્લાના માંડવી-ભુજ રોડ પર દારૂના નશામાં ધૂત નબીરાએ કાર અને બાઈકને અડફેટે લીધા હોવાનો બનાવ સામે આવ્યો છે. આ ગંભીર અકસ્માતમાં એક બાળક સહિત ત્રણ જણાને ગંભીર ઈજાઓ પહોંચી છે. અકસ્માત બાદ લોકોમાં ભારે રોષ ફાટી નીકળ્યો હતો અને નબીરાને મેથીપાક ચખાડતા હંગામો મચ્યો હતો.

બનાવની વિગત

પ્રાથમિક માહિતી મુજબ, આ નબીરો પોતાના મિત્રોની મોજશોખી પાર્ટીમાં કાર ચલાવી રહ્યો હતો. અને દારૂના નશાની અસર એટલી વધી ગઈ કે કાર પરનો કાબૂ ગુમાવી બેસ્યો. અચાનક સામે આવી રહેલી બે કાર અને બાઈક સાથે તેની કાર જોરદાર અથડાઈ ગઈ હતી. આ અથડામણમાં બાઈક પર સવાર પરિવારના એક નાના બાળક સહિત ત્રણ જણાને ગંભીર ઈજાઓ પહોંચી હતી.

અકસ્માત એટલો ભયાનક હતો કે કારના આગળના ભાગનો કચરો થઈ ગયો અને  બાઈક સંપૂર્ણપણે તૂટી ગઈ  હતી. ઘટના જોઈને આસપાસના લોકો ભયભીત થઈ ગયા. ઘાયલોને તાત્કાલિક 108  દ્વારા નજીકની હોસ્પિટલમાં ખસેડવામાં આવ્યા હતા.

નબીરાના વાહનમાંથી દારૂની બોટલ

પોલીસે ઘટનાસ્થળેથી કાર કબજે કરી હતી. કારની અંદરથી દારૂ ભરેલી બોટલ અને ગ્લાસ પણ મળી આવ્યા હતા. આથી સ્પષ્ટ થાય છે કે નબીરો  કાર ચલાવતાં-ચાલવતાં જ દારૂ પી રહ્યો હતો. આ દ્રશ્યે સ્થાનિકોમાં ભારે ગુસ્સો ફેલાવ્યો હતો.

લોકોએ ચખાડ્યો મેથીપાક

ઘટનાની જાણ થતાં જ આસપાસના લોકો ભેગા થઈ ગયા હતા. દારૂના નશામાં અકસ્માત સર્જનાર નબીરાને લોકોએ મેથીપાક ચખાડ્યો હતો. થોડા સમય માટે સ્થળ પર ભારે હોબાળો મચી ગયો હતો. પોલીસના કાફલો  સ્થળ પર પહોંચ્યા બાદ જ પરિસ્થિતિ કાબૂમાં આવી.

પોલીસની કાર્યવાહી

પોલીસે નબીરાને કસ્ટડીમાં લીધો છે અને તેની સામે દારૂ પીધા બાદ વાહન ચલાવવાનો ગુનો દાખલ કર્યો છે. સાથે જ ભારતીય દંડ સંહિતાની જોગવાઈઓ હેઠળ પણ કેસ નોંધાયો છે. પોલીસે કાર કબજે કરી છે અને નબીરાના બ્લડ સેમ્પલ લઈને લેબમાં તપાસ માટે મોકલ્યા છે.

કાયદાકીય દ્રષ્ટિએ ગંભીર મામલો

ટ્રાફિક નિષ્ણાતોના જણાવ્યા મુજબ, નશો કરી વાહન ચલાવવું એક ગંભીર ગુનો છે. દારૂના નશામાં ડ્રાઈવિંગ કરવાથી માત્ર પોતાની જ નહિ પરંતુ રસ્તા પર ચાલતા નિર્દોષ લોકોના જીવને જોખમમાં નાખવામાં આવે છે. આ બનાવમાં એક બાળક સહિત ત્રણ જણા ઘાયલ થયા છે, જેનો સીધો જવાબદાર નબીરો જ છે.

[fvplayer id=”31″]

ઈજાગ્રસ્તોના પરિવારજનોને ભારે દુઃખ થયું હતું. એક બાળકને ગંભીર ઈજા થતા સમગ્ર પરિવાર હેરાન-પરેશાન થઈ ગયો હતો. પરિવારજનોનું કહેવું હતું કે “એક બેફામ ડ્રાઈવરનાં કારણે નિર્દોષ બાળકનું જીવન જોખમમાં મુકાયું છે.”

અકસ્માત બાદ આસપાસના લોકોએ કડક પ્રતિક્રિયા આપી હતી. તેણે જણાવ્યું હતું કે દારૂના નશામાં વાહન ચલાવનારાઓ સામે કડક કાર્યવાહી થવી જોઈએ. લોકોનું કહેવું છે કે આવા બેફામ ચાલકોને કડક સજા નહીં થાય ત્યાં સુધી અકસ્માતો પર અંકુશ નહીં આવે.

આ પણ વાંચો:અમિત ખૂંટ આત્મહત્યા સગીરાનો ઘટસ્ફોટઃ જયરાજના દબાણથી અનિરુદ્ધ રાજદીપનું નામ લીધું

આ પણ વાંચો:રાજકોટ: અમિત ખૂંટ આપઘાત કેસમાં સગીરાએ 28 સામે ફરિયાદ નોંધાવી

આ પણ વાંચો:રાજકોટમાં રીબડા ગામે અમિત ખૂંટની આત્મહત્યાના વિવાદે વેગ પકડ્યો