World News: સંયુક્ત રાષ્ટ્ર (UN)ની કાઉન્ટર-ટેરરિઝમ મોનિટરિંગ ટીમે (Counter-Terrorism Monitoring Team)તાજેતરમાં જાહેર કરેલા રિપોર્ટ (UN Report)માં ખુલાસો કર્યો છે. રિપોર્ટ  અનુસાર, એક સભ્ય દેશે માહિતી આપી છે કે દિલ્હીના ઐતિહાસિક લાલ કિલ્લા નજીક થયેલા વિસ્ફોટ પાછળ  (UN Report)આતંકવાદી સંગઠન જૈશ-એ-મોહમ્મદ (Jaish-e-Mohammed)નો હાથ હતો. આ ખુલાસાએ દક્ષિણ એશિયામાં ફરી એકવાર સુરક્ષા ચિંતા વધારી છે.

યુએનના રિપોર્ટ (UN Report)માં જણાવાયું છે કે જૈશ-એ-મોહમ્મદે ઘણા હુમલાઓની જવાબદારી સ્વીકારી છે અને 9 નવેમ્બરના લાલ કિલ્લા પરના હુમલા સાથે પણ તેનું જોડાણ હોવાનું દર્શાવવામાં આવ્યું છે.

જૈશ-એ-મોહમ્મદનું લાંબુ લિસ્ટ 

જૈશ-એ-મોહમ્મદ લાંબા સમયથી ભારતને નિશાન બનાવતી આતંકવાદી પ્રવૃત્તિઓમાં સંકળાયેલું રહ્યું છે. તેના સ્થાપક મસૂદ અઝહર આંતરરાષ્ટ્રીય સ્તરે આતંકવાદી તરીકે જાહેર છે.

યુએનના રિપોર્ટ મુજબ, સતત આતંકવાદ વિરોધી દબાણ હોવા છતાં આ સંગઠન પોતાની વ્યૂહરચનાઓમાં ફેરફાર કરીને ફરી સક્રિય થવાની કોશિશ કરી રહ્યું છે.

મહિલા પાંખ ‘જમાત-ઉલ-મુમિનત’ની સ્થાપના

રિપોર્ટ (UN Report)માં વધુ એક બાબત સામે આવી છે. 8 ઓક્ટોબરે મસૂદ અઝહરે ‘જમાત-ઉલ-મુમિનત’ નામની વિશેષ મહિલા આતંકવાદી પાંખની રચનાની જાહેરાત કરી હતી. આ પગલું આતંકવાદી ભરતી અને સમર્થનના નવા મોડેલ તરફ ઈશારો કરે છે. નિષ્ણાતોના મત મુજબ, મહિલાઓને સામેલ કરીને સંગઠન પોતાનો આધાર વિસ્તારવાનો પ્રયાસ કરી રહ્યું છે.

યુએનની ચેતવણી- રિપોર્ટ (UN Report)

યુએન વોચડોગે ચેતવણી આપી છે કે કેટલાક આતંકવાદી સંગઠનો નબળા પડ્યા હોવા છતાં તેઓ પુનર્ગઠન કરીને પ્રતીકાત્મક અને ઉચ્ચ-સ્તરના લક્ષ્યો પર હુમલા કરવાની ક્ષમતા જાળવી રાખે છે. આ પ્રકારની અનુકૂલનક્ષમતા પ્રાદેશિક તેમજ આંતરરાષ્ટ્રીય સુરક્ષા માટે ગંભીર ખતરો બની શકે છે.

આંતરરાષ્ટ્રીય મતભેદો

યુએનના રિપોર્ટ (UN Report)માં નોંધાયું છે કે કેટલાક દેશો જૈશ-એ-મોહમ્મદને હજુ પણ સક્રિય અને ખતરનાક માને છે, જ્યારે અન્ય સભ્ય દેશોનું માનવું છે કે સંગઠન નબળું પડી ગયું છે. આ વિસંગત અભિગમના કારણે આંતરરાષ્ટ્રીય આતંકવાદ વિરોધી કામગીરી વધુ જટિલ બની રહી છે. ગુપ્તચર માહિતીના મૂલ્યાંકન અને જમીની કામગીરીમાં મતભેદો અસરકારક સહકારમાં અવરોધ ઉભો કરે છે.

દક્ષિણ એશિયાની સુરક્ષા પર અસર

લાલ કિલ્લા જેવી ઐતિહાસિક અને પ્રતીકાત્મક જગ્યાને નિશાન બનાવવાનો પ્રયાસ એ માત્ર એક હુમલો નથી, પરંતુ રાષ્ટ્રીય ભાવનાઓ અને સુરક્ષા વ્યવસ્થાને પડકારવાનો પ્રયત્ન છે. આ ઘટનાએ ફરી એકવાર ભારત-પાકિસ્તાન સંબંધો અને પ્રાદેશિક સુરક્ષા મુદ્દાઓને ચર્ચાના કેન્દ્રમાં લાવી દીધા છે.

આ પણ વાંચો:દિલ્હી બ્લાસ્ટ કેસના આતંકી ડો. આદિલ મુદ્દે મોટા સમાચાર, મોબાઈલ ચેટમાં થયો ઘટસ્ફોટ

આ પણ વાંચો:દિલ્હી બ્લાસ્ટ : યુરિયા પીસવા માટે ઉપયોગમાં લેવાતું ગ્રાઇન્ડર ઓટો ડ્રાઇવરના ઘરેથી મળ્યું

આ પણ વાંચો:દિલ્હી બ્લાસ્ટ: કાશ્મીર-ફરીદાબાદના 25 લોકોના નામ, ‘આતંકના ડોક્ટરો’ની ડાયરીમાં શું થયા ખુલાસા