વિશેષ સુરક્ષા જૂથ (એસપીજી) સુરક્ષા માટેના નિયમો અંગે કેન્દ્ર સરકાર કડક બની છે. આમ તમામ વિશેષ સુરક્ષાવાળી વ્યક્તિએ તેમના વિદેશી પ્રવાસ દરમ્યાન SPG સૈનિકોને સાથે રાખવા પડશે. ફક્ત પીએમ મોદી જ નહીં, પરંતુ આ સુવિધા ધરાવતી અન્ય હસ્તીઓ, તેની વિદેશની મુલાકાતમાં એસપીજી જવાનો પણ સાથે જશે.
પહેલાં આવું ન હતું, પરંતુ હવે કેન્દ્રિય ગૃહ મંત્રાલય નિયમોમાં ફેરફાર કરી રહી છે. સરકારના આ નિર્ણયને કોંગ્રેસના પૂર્વ અધ્યક્ષ રાહુલ ગાંધી અને ગાંધી પરિવારના અન્ય સભ્યોની વિદેશ મુલાકાત સાથે જોડવામાં આવી રહ્યો છે.
વડા પ્રધાન અને પૂર્વ વડા પ્રધાનોને દેશમાં એસપીજી સુરક્ષા આપવામાં આવી છે. પૂર્વ વડા પ્રધાન મનમોહન સિંહને એસપીજી સુરક્ષા પણ આપવામાં આવી હતી, પરંતુ તાજેતરમાં તેમની સુરક્ષા ઘટાડીને ઝેડ-પ્લસ કેટેગરીની કરી દેવામાં આવી હતી.
હાલમાં એસપીજી સુરક્ષા પીએમ મોદી સિવાય ગાંધી પરિવારને આપવામાં આવેલ છે. આ સુવિધા કોંગ્રેસના વચગાળાના પ્રમુખ સોનિયા ગાંધી, પૂર્વ પ્રમુખ રાહુલ ગાંધી અને કોંગ્રેસના મહાસચિવ પ્રિયંકા ગાંધીને આપવામાં આવી છે.
સરકાર દ્વારા SPG સુરક્ષા નિયમોમાં ફેરફાર કરવામાં આવતા હવે ગાંધી પરિવારે પણ વિદેશ પ્રવાસમાં SPG કમાન્ડોને સાથે રાખવા જરૂરી બન્યા છે. કેન્દ્રીય ગૃહ મંત્રાલયની કડકતાને પગલે હવે એસપીજી જવાન હંમેશાં વીવીઆઈપીની સાથે રહેશે, જેથી તેમના જીવનને ક્યારેય જોખમમાં ન આવે. પીએમ મોદી પણ હંમેશા એસપીજી સુરક્ષા વર્તુળમાં હોય છે. હવે ગાંધી પરિવારને પણ એસપીજી જવાનોને તેમની સાથે વિદેશમાં જવું પડશે.
- રમો મંતવ્ય નવરાત્રી ક્વિઝ 2019. આપો સરળ સવાલોના જવાબ,લકી વિજેતાઓને મળશે બમ્પર ઇનામો. પ્રતિયોગિતામાં ભાગ લેવા માટે ડાઉનલોડ કરો
- “Mantavya News” એપ્લિકેશન. Click 👇 👇
- https://play.google.com/store/apps/details?id=amigoinn.example.mantavya&hl=en_IN
