કેન્દ્રીય પરિવહન પ્રધાન નીતિન ગડકરીએ સોમવારે કહ્યું હતું કે તેઓ નવી દિલ્હી પાછા ફર્યા બાદ પાયલોટ પ્રોજેક્ટ તરીકે ગ્રીન હાઇડ્રોજન સંચાલિત વાહનોનો ઉપયોગ કરવાનું શરૂ કરશે.ચૂંટણીલક્ષી રાજ્ય ગોવામાં વિવિધ ઈન્ફ્રાસ્ટ્રક્ચર પ્રોજેક્ટ્સનું ઉદ્ઘાટન કર્યા પછી એક સભાને સંબોધતા ગડકરીએ કહ્યું, “જાપાનની ટોયોટા કંપનીએ મને એક વાહન આપ્યું છે જે ગ્રીન હાઈડ્રોજન પર ચાલે છે. હું પોતે (વૈકલ્પિક ઈંધણ પર)તેનો ઉપયોગ કરીશ, હું તેનો પ્રોજેક્ટ તરીકે પણ ઉપયોગ કરીશ. “તેમણે કહ્યું કે ફરીદાબાદથી ઈન્ડિયન ઓઈલ દ્વારા આ વાહન માટે ગ્રીન હાઈડ્રોજનની સપ્લાયની ખાતરી આપવામાં આવી છે.
ગડકરીએ કહ્યું, “હું આગામી 15 દિવસ દિલ્હીમાં નહીં રહીશ કારણ કે હું ઉત્તર પ્રદેશ અને ઉત્તરાખંડની મુલાકાત લઈશ. હું દિલ્હી પાછો આવીશ કે તરત જ હું તેનો ઉપયોગ કરવાનું શરૂ કરીશ. ગ્રીન હાઇડ્રોજન ભવિષ્યનું બળતણ છે,તેમણે કહ્યું કે ગોવાના મુખ્ય પ્રધાન પ્રમોદ સાવંતે 2022-23ની વાર્ષિક યોજનામાં રૂ. 804.24 કરોડના 13 કામોની ભલામણ કરી હતી, જેને તેઓ મંજૂરી આપી રહ્યા છે. તેમણે કહ્યું કે આને ટૂંક સમયમાં ફાળવવામાં આવશે.
ગડકરીએ કહ્યું કે ગોવામાં નેશનલ હાઈવે પર 400 કરોડ રૂપિયાના વધારાના કામની સાથે આ હાઈવે માટે 305 કરોડ રૂપિયાના અન્ય કામને મંજૂરી આપવામાં આવી છે.ગડકરીએ જણાવ્યું હતું કે તેમના મંત્રાલયે ગોવામાં માર્ગો પશ્ચિમ બાયપાસ પર બાકીના કામ માટે રૂ. 181 કરોડની ભરપાઈ મંજૂર કરી છે.કેન્દ્રીય મંત્રીએ કહ્યું કે ગોવા એરપોર્ટ તરફ જતા રસ્તાને ટ્રાફિક સિગ્નલ મુક્ત બનાવવા માટે 350 કરોડ રૂપિયા મંજૂર કરવામાં આવ્યા છે. બેઠકમાં ગોવાના સાંસદ અને કેન્દ્રીય મંત્રી શ્રીપદ નાઈક, રાજ્યના મુખ્યમંત્રી પ્રમોદ સ્વાંત અને અન્ય બીજેપી નેતાઓ હાજર હતા.
