ભારતને આઝાદી મળ્યા પછી ઇતિહાસમાં પહેલીવાર મહિલા ગુનેગારને મૃત્યુ દંડ આપવામાં આવશે. મથુરામાં સ્થિત ઉત્તર પ્રદેશમાં મહિલા ફાંસીઘરમાં અમરોહા શબનમને ફાંસી આપવાની છે. ફાંસીની તારીખ નક્કી નથી પરંતુ માનવામાં આવે છે કે મેરઠનો પવન જલ્લાદ તેને અંજામ આપવા જઇ રહ્યો છે. પવન બે વખત ફાંસી ઘરની મુલાકાત લઈ ચૂક્યો છે. એપ્રિલ 2008માં શબનમે તેના પ્રેમી સાથે મળીને તેના કુટુંબના સાત સભ્યોની કુહાડીથી ઘાતકી હત્યા કરી હતી.
આ કેસમાં સુપ્રીમ કોર્ટે શબનમની ફાંસીની સજાને બરકરાર રાખી હતી. રાષ્ટ્રપતિએ તેમની દયા અરજીને પણ ફગાવી દીધી છે. આઝાદી બાદ શબનમ પહેલી મહિલા કેદી હશે કે જેને ફાંસી પર લટકાવવામાં આવશે. શબનમે પ્રેમી સલીમ સાથે મળીને માતા-પિતા અને દસ મહિનાના માસૂમ ભત્રીજા સહિત સાત લોકોની કુહાડીથી હત્યા કરી હતી.
બે-બે અંડરવેરમાં આવી રીતે છૂપાવ્યું હતું સોનું, ખુલાસો થતા અધિકારીઓના ઉડી ગયા હોશ
મથુરા જેલમાં, 150 વર્ષ પહેલાં એક મહિલા ફાંસી ઘર બનાવવામાં આવ્યું હતું. પરંતુ આઝાદી પછી કોઈ પણ મહિલાને ફાંસી આપવામાં આવી નથી. વરિષ્ઠ જેલ અધિયક્ષ શૈલેન્દ્રકુમાર મૈત્રેયએ જણાવ્યું હતું કે હજી સુધી ફાંસીની તારીખ નક્કી નથી, પરંતુ અમે તૈયારી શરૂ કરી દીધી છે. ડેથ વોરંટ ઇશ્યુ થતાંની સાથે જ શબનમને ફાંસી આપવામાં આવશે.
અમરોહની શબનમના પરિવારમાં શિક્ષક પિતા શૌકત અલી, માતા હાશ્મી, ભાઈ અનીસ, રાશિદ, ભાભી અંજુમ અને દસ મહિનાના ભત્રીજા અર્શનો સમાવેશ થાય છે. શબનમ અને ગામના યુવક સલીમ વચ્ચે પ્રેમ સંબંધ હતો, જે તેના પિતાને પસંદ નહોતું. બંને લગ્ન કરવા માગે છે પરંતુ શિક્ષિત ન હોવાથી અને બીજા સમુદાયના હોવાથી શબનમના પરિવારે લગ્ન કરવાની ના પાડી હતી.
ત્યારબાદ શબનમે સલીમને મળવા માટે આખા પરિવારને સ્લીપિંગ ગોળીઓ ખવડાવવાનું શરૂ કર્યું. પરિવાર સૂઈ ગયો ત્યારે સલીમ ઘરની છત પર મળવા રોજ આવતો હતો. જો કે, આ બંનેએ ફરીથી એક નિર્ણય લીધો જે ચોંકાવનારો છે. 14 એપ્રિલ, 2008ની રાત્રે શબનમે પ્રેમી સલીમને ઘરે આમંત્રણ આપ્યું અને પરિવારને ઉંઘની ગોળીઓ આપી દીધી. રાત્રે શબનમ અને સલીમે તેમના પરિવારના તમામ સભ્યોને નિંદ્રામાં મોતને ઘાટ ઉતારી દીધા હતા.
