Gujarat IMD Update: ગુજરાતમાં ફરી એકવાર ઠંડી (Cold)નું પ્રમાણ વધતું અનુભવાઈ રહ્યું છે. રાજ્યના અનેક જિલ્લાઓમાં લઘુત્તમ તાપમાનમાં ઘટાડો નોંધાયો છે, જેમાં અમરેલીમાં સૌથી ઓછું 12 ડિગ્રી સેલ્સિયસ તાપમાન નોંધાયું છે. જો કે, પશ્ચિમી વિક્ષેપ (Western Disturbance)ના કારણે છેલ્લા કેટલાક દિવસોમાં દિવસના તાપમાનમાં વધારો થયો હતો અને બપોરે મહત્તમ તાપમાન 32 થી 34 ડિગ્રી સેલ્સિયસ વચ્ચે નોંધાયું હતું.
હવામાન વિભાગે (IMD)અગાઉથી આગાહી કરી હતી કે 20 ડિસેમ્બર બાદ રાજ્યમાં ઠંડી (Cold) વધુ તીવ્ર બનશે, જેના સંકેતો હવે ધીમે ધીમે દેખાવા લાગ્યા છે.
ગુજરાતના વિવિધ જિલ્લાઓમાં નોંધાયેલ લઘુત્તમ તાપમાન
હવામાન વિભાગ (IMD) દ્વારા જાહેર કરાયેલા આંકડાઓ અનુસાર રાજ્યના અનેક શહેરોમાં લઘુત્તમ તાપમાન આ પ્રમાણે નોંધાયું છે:
| ક્રમ | શહેર / જિલ્લો | લઘુત્તમ તાપમાન (°C) |
|---|---|---|
| 1 | અમરેલી | 12.0°C |
| 2 | અમદાવાદ | 14.8°C |
| 3 | ગાંધીનગર | 14.6°C |
| 4 | ડીસા | 14.5°C |
| 5 | વલ્લભ વિદ્યાનગર | 15.0°C |
| 6 | વડોદરા | 13.2°C |
| 7 | સુરત | 14.8°C |
| 8 | દમણ | 15.4°C |
| 9 | ભુજ | 17.9°C |
| 10 | નલિયા | 14.0°C |
| 11 | કંડલા એરપોર્ટ | 14.4°C |
| 12 | ભાવનગર | 14.6°C |
| 13 | રાજકોટ | 15.5°C |
હિમવર્ષા વચ્ચે હવામાનમાં પલટો
મધ્ય ગુજરાતમાં પણ ઠંડી (Cold)નો અનુભવ વધી રહ્યો છે. અમદાવાદ અને ગાંધીનગરમાં વહેલી સવાર અને મોડી રાત્રે ઠંડક વધી છે. જોકે, હવામાન વિભાગ (IMD)ના જણાવ્યા અનુસાર આગામી કેટલાક દિવસોમાં આ બંને શહેરોમાં લઘુત્તમ તાપમાન 15 થી 16 ડિગ્રી સેલ્સિયસની આસપાસ રહેવાની શક્યતા છે.
આથી સવાર અને રાત્રે અનુભવાતી કડક ઠંડી (Cold)માં થોડો ઘટાડો થઈ શકે છે. સામાન્ય રીતે ડિસેમ્બરના મધ્યમાં કડક ઠંડી અનુભવાતી હોય છે, પરંતુ વર્તમાન હવામાન સિસ્ટમના કારણે લોકોને થોડા દિવસો માટે રાહત મળી શકે છે. હવામાન નિષ્ણાતો (IMD expert) માને છે કે આ અસ્થાયી રાહત છે અને ત્યારબાદ ફરીથી ઠંડી (Cold) નો નવો પ્રવાહ શરૂ થઈ શકે છે.
બેવડી ઋતુનો અનુભવ
હાલમાં ગુજરાતમાં બેવડી ઋતુ જેવી સ્થિતિ સર્જાઈ છે. દિવસ દરમિયાન ગરમીનો અહેસાસ થાય છે જ્યારે રાત્રે અને વહેલી સવારમાં ઠંડી (Cold) અનુભવાય છે. ઉત્તર-પૂર્વ દિશા (North-east direction)ના પવનો ફૂંકાઈ રહ્યા છે, જેના કારણે તાપમાનમાં ઉતાર-ચઢાવ જોવા મળી રહ્યો છે. વેસ્ટર્ન ડિસ્ટર્બન્સ (Western Disturbance)ની અસરને કારણે હાલ ઠંડી (Cold)માં થોડો ઘટાડો થયો છે, પરંતુ તેની અસર ઓછી થતા જ ફરીથી ઠંડી (Cold) વધવાની શક્યતા છે.
આ પણ વાંચો:આગામી 48 કલાક સૌરાષ્ટ્ર પર ભારેઃ અંબાલાલ પટેલની આગાહી
