UPSC સિવિલ સર્વિસીસ 2021નું અંતિમ પરિણામ સત્તાવાર વેબસાઇટ પર જાહેર કરવામાં આવ્યું છે. સિવિલ સર્વિસ પરીક્ષા 2021ના પરિણામ અનુસાર, શ્રુતિ શર્માને ઓલ ઈન્ડિયા રેન્ક-1 મળ્યો છે. અંકિતા અગ્રવાલ અને ગામિની સિંગલા બીજા સ્થાને રહી છે. આ વર્ષે ત્રણેય ટોપર છોકરીઓ બની છે. જ્યારે ગુજરાતમાંથી છ લોકો આ પરીક્ષા પાસ કરવામાં સફળ રહ્યાં છે અને તેઓ છ યુવાનો છે. ભારતભરમાં સ્ત્રીઓએ મેદાન માર્યું છે પરંતુ ગુજરાતમાં પુરુષો અધિકારી બનવામાં સફળ રહ્યાં છે.
ઉલ્લેખનીય છે કે જે લોકોએ યુનિયન પબ્લિક સર્વિસ કમિશન (UPSC) દ્વારા આયોજિત સિવિલ સર્વિસ પરીક્ષા 2021ની મુખ્ય પરીક્ષા પાસ કરી છે અને ઇન્ટરવ્યુ માટે હાજર રહ્યા છે તેઓ હવે તેમના પરિણામો જાહેર થયા પછી upsc.gov.in ની મુલાકાત લઈને તેમના પરિણામો ચકાસી શકે છે. મુખ્ય પરીક્ષા પાસ કરનાર ઉમેદવારોને યુનિયન પબ્લિક સર્વિસ કમિશન (UPSC) દ્વારા ઇન્ટરવ્યુ માટે બોલાવવામાં આવ્યા હતા. ઇન્ટરવ્યુ 5 એપ્રિલથી 26 મે, 2022 દરમિયાન લેવામાં આવ્યો હતો. જે બાદ હવે તેનું અંતિમ પરિણામ જાહેર કરવામાં આવ્યું છે. અગાઉ, કમિશન દ્વારા 17 માર્ચે સિવિલ સર્વિસીસ (મેન્સ) પરીક્ષા 2021નું પરિણામ જાહેર કરવામાં આવ્યું હતું. ઉમેદવારો નીચે આપેલા સરળ પગલાઓ દ્વારા તેમનું પરિણામ ચકાસી શકે છે.પરિણામ ચકાસવા માટે, ઉમેદવારોએ પહેલા UPSC ની સત્તાવાર વેબસાઇટ, upsc.gov.in પર જવું પડશે. તે પછી હોમ પેજ પર આપેલ પરિણામ લિંક પર ક્લિક કરો. અહીં હવે એક પીડીએફ ફાઇલ ખુલશે જ્યાં ઉમેદવારો ઉમેદવારનું નામ અને રોલ નંબર ચકાસી શકે છે. તેની ચકાસણી કર્યા પછી, ઉમેદવારો તેની પ્રિન્ટઆઉટ પણ લઈ શકે છે. આ પરિણામ દ્વારા, UPSC કુલ 712 પોસ્ટ ભરવાનું કામ કરશે.
આ પણ વાંચો : AMCમાં જ કોઈ છૂપો મોબાઈલ હેકર્સ લાગે છે!
