ઉરી ઘૂસણખોરી: જમ્મુ -કાશ્મીરમાં ઉરી નજીક રામપુર સેક્ટરમાં આજે સુરક્ષાદળોને મોટી સફળતા મળી છે. સુરક્ષા દળોએ સરહદ પારથી ઘૂસણખોરીનો પ્રયાસ કરતા 3 આતંકવાદીઓને ઠાર કર્યા હતા. આ પછી, હથિયારોનો મોટો જથ્થો પણ મળી આવ્યો છે. જેમાં પાંચ એકે 47, 8 પિસ્તોલ અને 70 હેન્ડ ગ્રેનેડનો સમાવેશ થાય છે. અધિકારીઓએ જણાવ્યું કે તાજેતરમાં જ આતંકવાદીઓ પાકિસ્તાન અધિકૃત કાશ્મીર (પીઓકે) થી ભારતીય સરહદમાં પ્રવેશ્યા હતા.
લેફ્ટનન્ટ જનરલ ડીપી પાંડેએ જણાવ્યું હતું કે આજે વહેલી સવારે હથલંગાના જંગલોમાં ઘૂસણખોરીનો પ્રયાસ કરવામાં આવ્યો હતો. તે ટૂંક સમયમાં નિષ્ફળ ગયો. તેમણે કહ્યું કે માર્યા ગયેલા આતંકીઓમાંથી એક પાકિસ્તાની છે, બાકીના આતંકવાદીઓની શોધ કરવામાં આવી રહી છે.
જણાવી દઈએ કે નિયંત્રણ રેખા પર શંકાસ્પદ ગતિવિધિઓની જાણ થયા બાદ સેનાએ 18 સપ્ટેમ્બરની રાત્રે ઉરી સેક્ટરમાં સર્ચ ઓપરેશન શરૂ કર્યું હતું. સાવચેતીના પગલા તરીકે સોમવારે સરહદી નગરમાં તમામ ટેલિકોમ સુવિધાઓ સ્થગિત કરવામાં આવી હતી. જોકે બુધવારે ટેલિફોન અને ઈન્ટરનેટ સેવા પુન:સ્થાપિત કરવામાં આવી હતી. સર્ચ ઓપરેશનનો આજે પાંચમો દિવસ છે.
ઉરી ઘૂસણખોરી : અધિકારીઓએ બુધવારે જણાવ્યું હતું કે નિયંત્રણ રેખા પર વાડ નજીક દુશ્મન સાથે “પ્રારંભિક સંપર્ક” માં એક સૈનિક ઘાયલ થયો હતો, જેથી ઘુસણખોરો, જો કોઈ હોય તો માર્યા ગયા છે તેની ખાતરી કરવા માટે આ વિસ્તારમાં મોટા પ્રમાણમાં સર્ચ ઓપરેશન શરૂ કરવામાં આવ્યું હતું.
જે વિસ્તારમાં શંકાસ્પદ હિલચાલ જોવા મળી હતી તે ગોહલાન નજીક આવે છે. આ એ જ વિસ્તાર છે જ્યાંથી સપ્ટેમ્બર 2016 માં આતંકીઓએ ઉરી બ્રિગેડ પર હુમલો કર્યો હતો.
ભક્તોની લાગણી જીતી / પાવાગઢના ટ્રસ્ટીપદેથી બળાત્કારના આરોપમાં સંડોવાયેલા રાજુ ભટ્ટની હકાલપટ્ટી
હરિયાણા / સોનીપતની સ્કૂલમાં મોટી દુર્ઘટના, શાળાની છતનો ભાગ પડવાથી 27 બાળકો ઘાયલ
