Hormuz Strait News Summary: ઈરાન (Iran)અને અમેરિકા વચ્ચે હોર્મુઝની સામુદ્રધુનીમાં તણાવ ચરમસીમાએ પહોંચ્યો છે. ઈરાની નૌસેનાએ (IRGC) અમેરિકી યુદ્ધ જહાજ USS ફ્રેન્ક ઈ. પીટરસનને ખુલ્લી ધમકી આપીને પરત જવા મજબૂર કર્યું હોવાનો દાવો કર્યો છે. અમેરિકા આ વિસ્તારમાં ઈરાન દ્વારા બિછાવેલી દરિયાઈ સુરંગો (Mines) હટાવવા માટે ઓપરેશન ચલાવી રહ્યું છે, જ્યારે ઈરાન આ દાવાને નકારીને અમેરિકી જહાજોને નિશાન બનાવવાની ચેતવણી આપી રહ્યું છે.
વીડિયો જાહેર કરીને આપી ધમકી
ઈરાની સરકારી મીડિયાએ એક વીડિયો જાહેર કર્યો છે જેમાં IRGC ના સૈનિકો અમેરિકી જહાજને રેડિયો પર ચેતવણી આપી રહ્યા છે. સૈનિકે કહ્યું, “તમારે તરત જ રસ્તો બદલવો પડશે અને હિંદ મહાસાગરમાં પાછા જવું પડશે. જો તમે આદેશનું પાલન નહીં કરો, તો તમને નિશાન બનાવવામાં આવશે.”
અમેરિકાનો Iranને જવાબ
અમેરિકી અધિકારીએ જવાબ આપ્યો કે તેમનું જહાજ આંતરરાષ્ટ્રીય કાયદા મુજબ ટ્રાન્ઝિટ પેસેજ પર છે અને તેમનો ઈરાન (Iran)ને પડકારવાનો કોઈ ઈરાદો નથી. જોકે, ઈરાને તેને ‘લાસ્ટ વોર્નિંગ’ આપીને કહ્યું કે જો અમેરિકી જહાજો 10 માઈલની અંદર આવશે તો કોઈ પણ ચેતવણી વગર ગોળીબાર કરવામાં આવશે.
We do not hesitate for even a moment in defending our country.
The scene of a U.S. destroyer fleeing the Strait of Hormuz. pic.twitter.com/WkNTqLNmQi
— Iran Embassy SA (@IraninSA) April 12, 2026
સુરંગો હટાવવાનું ઓપરેશન
અમેરિકી સેન્ટ્રલ કમાન્ડ (CENTCOM) મુજબ, USS ફ્રેન્ક ઈ. પીટરસન અને USS માઈકલ મર્ફી નામના બે જહાજો હોર્મુઝને ઈરાની સુરંગોથી મુક્ત કરવા માટે અભિયાન ચલાવી રહ્યા છે. ફેબ્રુઆરીમાં યુદ્ધ શરૂ થયા બાદ ઈરાને (Iran) આ માર્ગને મોટાભાગે બ્લોક કરી દીધો છે.
ડ્રોનથી દેખરેખ
અહેવાલો મુજબ, આ સામસામેની સ્થિતિ દરમિયાન ઈરાને અમેરિકી જહાજો તરફ ડ્રોન પણ મોકલ્યું હતું. ઈરાનનો દાવો છે કે તેમની કડક ચેતવણી બાદ અમેરિકી જહાજોને પરત ફરવું પડ્યું હતું.
આ ઘટનાથી વૈશ્વિક તેલ બજાર અને દરિયાઈ સુરક્ષા પર ખતરો વધી ગયો છે, કારણ કે હોર્મુઝ વિશ્વના સૌથી મહત્વના તેલ માર્ગોમાંનો એક છે.
આ પણ વાંચો : અમેરિકા અને ઈરાન વચ્ચેની 21 કલાકની મંત્રણા નિષ્ફળ, હોર્મુઝ અને પરમાણુ શરતો પર પેંચ ફસાયો
