Israel-Iran Conflict Update: અમેરિકા અને ઈરાન વચ્ચે બે અઠવાડિયાના યુદ્ધવિરામ (Ceasefire) ની જાહેરાત બાદ પણ મધ્ય પૂર્વમાં તણાવ ઓછો થવાનું નામ નથી લઈ રહ્યો. ઈઝરાયેલના વડાપ્રધાન બેન્જામિન નેતન્યાહુએ (Benjamin Netanyahu) સ્પષ્ટ કર્યું છે કે આ યુદ્ધનો અંત નથી, પરંતુ લક્ષ્યો હાંસલ કરવા તરફનું એક પગલું છે. તેમણે ચેતવણી આપી છે કે જો જરૂર પડશે તો ઈઝરાયેલ કોઈપણ ક્ષણે ફરીથી યુદ્ધના મેદાનમાં ઉતરવા તૈયાર છે.

નેતન્યાહુનો આક્રમક અંદાજ: “અમે ઈરાનને કચડી નાખ્યું છે”

સીઝફાયર બાદ પોતાની પ્રથમ પ્રેસ કોન્ફરન્સમાં નેતન્યાહુએ વિરોધીઓ અને ઈરાન બંનેને જડબાતોડ જવાબ આપ્યો છે:

લક્ષ્યો હજુ બાકી છે: નેતન્યાહુએ કહ્યું કે, “ભલે સમજૂતી થઈ હોય, પણ અમારા કેટલાક લક્ષ્યો હજુ બાકી છે. અમે તેને હાંસલ કરીને જ રહીશું – પછી ભલે તે વાતચીતથી હોય કે ફરીથી લડાઈ કરીને.”

ઈરાન નબળું પડ્યું: તેમણે દાવો કર્યો કે 6 અઠવાડિયાના યુદ્ધ બાદ ઈરાન સંપૂર્ણપણે ચૂર થઈ ગયું છે અને પહેલા કરતા વધુ નબળું પડ્યું છે. અમેરિકા અને ઈઝરાયેલે મળીને ઈરાની શાસનનો પાયો હચમચાવી દીધો છે.

ઈરાનનો પરમાણુ પ્રોગ્રામ અને મિસાઈલ મશીન તબાહ

નેતન્યાહુએ ઈઝરાયેલની સૈન્ય સિદ્ધિઓ ગણાવતા મોટા દાવા કર્યા છે:

મિસાઈલ શક્તિ ખતમ: ઈઝરાયેલે ઈરાનની મિસાઈલ બનાવવાની મશીનરી તબાહ કરી દીધી છે, જેથી હવે તે નવી મિસાઈલો બનાવી શકશે નહીં.

પરમાણુ કાર્યક્રમ પર ચોટ: ઈરાનના પરમાણુ કાર્યક્રમને ભારે નુકસાન પહોંચાડ્યું છે અને તેના ઘણા ટોચના પરમાણુ વૈજ્ઞાનિકોને ઠાર કર્યા છે.

યુરેનિયમ બહાર કઢાશે: ઈરાન પાસે રહેલું તમામ સંવર્ધિત યુરેનિયમ દેશની બહાર મોકલી દેવામાં આવશે.

Israel નો  વિરોધ પક્ષ પર પલટવાર

ઈઝરાયેલના (Israel) વિપક્ષી નેતા યાયર લેપિડે આ યુદ્ધવિરામને ‘રાજદ્વારી આપત્તિ’ ગણાવી હતી. તેના જવાબમાં નેતન્યાહુએ કહ્યું કે આ સીઝફાયર અમેરિકા સાથેના સંપૂર્ણ તાલમેલથી થયું છે અને તેમાં કોઈ આશ્ચર્ય નથી. તેમણે ભારપૂર્વક કહ્યું કે ઈઝરાયેલ (Israel) હવે પહેલા કરતા વધુ મજબૂત થઈને ઉભર્યું છે.

આ પણ વાંચો :  ઈરાનમાં સ્થિતિ હજુ પણ ગંભીર? ભારત સરકારે ભારતીયોને તાત્કાલિક દેશ છોડવા કહ્યું

આ પણ વાંચો :  ઈરાનનો માસ્ટરપ્લાન, હોર્મુઝ પર વસૂલશે ટોલ ટેક્સ; અમેરિકા-ઈઝરાયેલના જહાજો પર પ્રતિબંધથી ખળભળાટ