Vadodara News: ગુજરાતમાં દારૂબંધી કાયદા વચ્ચે હવે રાજકીય જોડાણ ધરાવતા લોકો સામે પણ પોલીસની કાર્યવાહી તેજ બની રહી છે. વડોદરા કોંગ્રેસના કોર્પોરેટર આશિષ જોષી (Congress corporator Ashish Joshi)ની જૂના દારૂ કેસ (Liquor case)માં ધરપકડ થતાં રાજકીય વર્તુળોમાં ભારે ચર્ચા જાગી છે. પોલીસે અમદાવાદના રામોલ વિસ્તારમાંથી આશિષ જોષીને ઝડપી વધુ તપાસ શરૂ કરી છે.
ચૂંટણી દરમિયાન દારૂ વિતરણનો આરોપ
પોલીસ સૂત્રો અનુસાર, આશિષ જોષી (Congress corporator Ashish Joshi) પર ચૂંટણી (Election) દરમિયાન દારૂ વિતરણના કેસમાં સંડોવણીનો આરોપ છે. આ મામલે અગાઉથી જ તપાસ ચાલી રહી હતી અને હવે પુરાવાના આધારે પોલીસે કાર્યવાહી વધુ તેજ બનાવી છે.
અમદાવાદના રામોલમાંથી Congress corporator Ashish Joshiની ધરપકડ
માહિતી મુજબ, પોલીસને આશિષ જોષીની હાજરી અંગે ચોક્કસ માહિતી મળતાં અમદાવાદના રામોલ વિસ્તારમાં દરોડા પાડવામાં આવ્યા હતા. જ્યાંથી પોલીસે તેમને કસ્ટડીમાં લઈ પૂછપરછ શરૂ કરી છે.
મોટા નેટવર્કના પર્દાફાશની શક્યતા
પોલીસ અધિકારીઓના જણાવ્યા પ્રમાણે, આ કેસ માત્ર એક વ્યક્તિ પૂરતો મર્યાદિત નથી. તપાસ દરમિયાન દારૂ સપ્લાય અને વિતરણ સાથે જોડાયેલા મોટા નેટવર્કનો પર્દાફાશ થવાની શક્યતા વ્યક્ત કરવામાં આવી રહી છે. પોલીસે અન્ય સંડોવાયેલા લોકોની ભૂમિકા પણ તપાસ હેઠળ લીધી છે.
આ પણ વાંચો:વડોદરામાં આશિષ જોષી અને દીપા શ્રીવાસ્તવ કોંગ્રેસમાં જોડાયા
આ પણ વાંચો:વડોદરામાં PM મોદીના રોડ શો પહેલા કોંગ્રેસ કોર્પોરેટરના ઘરે પોલીસ પહેરો? આશિષ જોશીના ગંભીર આક્ષેપ
આ પણ વાંચો:વડોદરા કોંગ્રેસનો મોટો આરોપ, ભાજપે 47 હજાર મતદારોના નામ કાઢવાનું ષડયંત્ર રચ્યું
