બોલિવૂડ એક્ટર વરૂણ ધવને પોતાના વિશેના ચાલેલા સમાચારને ફેક ગણાવ્યા છે. આ વખતે તે વધુ નારાજ જોવા મળી રહ્યો છે કારણ કે આ ફેક સમાચારમાં તેના પિતા ડેવિડ ધવનનું નામ પણ ઉમેરવામાં આવી રહ્યું છે. આ કિસ્સો એ છે કે તાજેતરમાં જ કેટલાક સમાચારોએ અહેવાલ આપ્યો છે કે વરૂણ ધવન અમિતાભ બચ્ચનની સુપરહિટ ફિલ્મ નમક હલાલની રિમેકમાં કામ કરવા જઈ રહ્યો છે.
તેવું પણ જાણવા મળ્યું છે કે આ ફિલ્મનું તેના પિતા ડેવિડ ધવન દિગ્દર્શન કરશે. આ મામલો વરુણ ધવન સુધી પહોંચ્યો ત્યારે તેણે આ અહેવાલોને નકારી કાઢ્યા છે. વરુણે એક ટ્વીટ રિટ્વીટ કરીને પ્રતિક્રિયા આપી હતી, જો કે આ ટવીટ પાછળથી કાઢી નાખવામાં આવ્યું હતું. વરુણે લખ્યું, ‘તમે લોકોને સમજાવવા માટે મારા વિશે ઘણી વાર્તાઓ લખી શકો છો પરંતુ મારા પિતા વિશે ખોટી વાર્તાઓ લખો નહીં. આ એક સંપૂર્ણપણે બનાવટી વાર્તા છે. ચાલો ક્રિસમસ પર તમને લોકોને હસાવવા માટે મળીએ. ‘
યાદ અપાવી દઈએ કે, અમિતાભ બચ્ચનની ફિલ્મ નમક હલાલ વર્ષ 1982 માં રિલીઝ થઈ હતી. તેમાં અમિતાભ બચ્ચન, સ્મિતા પાટિલ, શશી કપૂર અને પરવીન બાબી અભિનિત હતાં. આ ફિલ્મ બ્લોકબસ્ટર સાબિત થઈ હતી.
આપને જણાવી દઈએ કે વરૂણની આગામી ફિલ્મ કુલી નંબર 1 25 ડિસેમ્બરે એમેઝોન પ્રાઇમ પર રિલીઝ થવાની છે. આ ફિલ્મમાં સારા અલી ખાન વરુણ ધવનની સાથે મુખ્ય ભૂમિકામાં જોવા મળશે. તે ગોવિંદા અને કરિશ્મા કપૂરની 1995 ની ફિલ્મ કુલી નંબર 1 ની રીમેક છે. તેનું નિર્દેશન ડેવિડ ધવન દ્વારા પણ કરવામાં આવ્યું હતું.
