National News : બિહારની બાંકીપુર વિધાનસભા (Bankipur Assembly by-election) પેટાચૂંટણી પહેલા રાજકીય ઘટનાક્રમમાં મહત્વનો વળાંક આવ્યો છે. તેજ પ્રતાપ યાદવની જનશક્તિ જનતા દળ (JJD)ના ઉમેદવાર( JJD Candidate) વીણા માનવીનું ઉમેદવારી પત્ર ચકાસણી (Veena Manvi Nomination Rejected) દરમિયાન રદ કરવામાં આવ્યું છે. તેમણે થોડા દિવસો પહેલાં જ ચૂંટણી માટે પોતાનું નામાંકન દાખલ કર્યું હતું.
બાંકીપુર પેટાચૂંટણી માટે ઉમેદવારી પત્રોની ચકાસણી શરૂ થતાં રિટર્નિંગ ઓફિસર દ્વારા તમામ ઉમેદવારી પત્રોની તપાસ કરવામાં આવી હતી. અધિકારીઓના જણાવ્યા અનુસાર, કુલ 40 ઉમેદવારોએ નામાંકન ભર્યું હતું. તપાસ દરમિયાન વીણા માનવી સહિત કુલ 10 ઉમેદવારોના નામાંકન વિવિધ કારણોસર અમાન્ય જાહેર કરવામાં આવ્યા.
વીણા માનવીનું નામાંકન રદ થયાની માહિતી મળતા જ જનશક્તિ જનતા દળના વડા તેજ પ્રતાપ યાદવ કલેક્ટર કચેરી પહોંચ્યા હતા. બાદમાં મીડિયા સાથે વાત કરતાં તેમણે આ નિર્ણય પર વાંધો વ્યક્ત કર્યો અને આરોપ લગાવ્યો કે તેમની પાર્ટી વિરુદ્ધ કાવતરું રચવામાં આવ્યું છે. તેમણે આ મામલે કાનૂની લડત લડવાની અને કોર્ટમાં જવાની પણ જાહેરાત કરી.
અહેવાલો મુજબ, વીણા માનવી (Veena Manvi Nomination Rejected) ઉપરાંત અપક્ષ ઉમેદવાર પ્રિયા કિન્નર અને અન્ય આઠ ઉમેદવારોના નામાંકન પણ ચકાસણી દરમિયાન રદ કરવામાં આવ્યા હતા. હવે બાંકીપુર પેટાચૂંટણીમાં મુખ્ય રાજકીય સ્પર્ધા ભાજપ, આરજેડી અને જન સુરાજના ઉમેદવારો વચ્ચે રહેવાની સંભાવના વ્યક્ત કરવામાં આવી રહી છે.
કોણ છે વીણા માનવી?
વીણા માનવી પટણાની રહેવાસી છે અને કોર્પોરેટ ક્ષેત્રમાંથી રાજકારણમાં પ્રવેશ કર્યો છે. ઉમેદવારી સાથે દાખલ કરાયેલા સોગંદનામા મુજબ તેઓ રિયલ એસ્ટેટ ક્ષેત્ર સાથે સંકળાયેલી એક કંપનીમાં મુખ્ય કાર્યકારી અધિકારી (CEO) તરીકે કાર્યરત છે. બાંકીપુર પેટાચૂંટણી પહેલાં તેઓ તેજ પ્રતાપ યાદવની જનશક્તિ જનતા દળ (JJD)માં જોડાયા હતા.
આ પણ વાંચો: ઈરાન બાદ યમનની ધમકી: બાબ અલ-મંડેબ જળમાર્ગ બંધ કરવાની ચેતવણી, ક્રૂડ ઓઈલ 200 ડોલર સુધી પહોંચવાનો દાવો
આ પણ વાંચો: અમદાવાદ સિરિયલ બ્લાસ્ટ કેસ : 2223 પાનાનો વિગતવાર ચુકાદો જાહેર
આ પણ વાંચો: જૂની પેન્શન યોજના પર સરકાર સક્રિય: પાત્ર કર્મચારીઓની વિગતો મંગાવી, જાણો કોને મળશે લાભ
