છત્તીસગઢના CM બન્યા બાદ વિષ્ણુ દેવ સાયનું પહેલું નિવેદન સામે આવ્યું છે. તેમણે કહ્યું છે કે તેઓ પીએમ મોદીની ગેરંટી પૂરી કરશે અને ચૂંટણી ઢંઢેરામાં આપેલા તમામ વચનો પૂરા કરશે. તેમણે કહ્યું કે હું દરેકના ભરોસા માટે પૂરી ઈમાનદારી સાથે કામ કરીશ અને ‘મોદીની ગેરંટી’ હેઠળ છત્તીસગઢની જનતાને આપેલા વચનો પૂરા કરીશ. તેમણે કહ્યું કે અમારું પહેલું કામ લોકોને 18 લાખ ઘર આપવાનું રહેશે.
સાયએ એમ પણ કહ્યું કે 25મી ડિસેમ્બરે અટલજીનો જન્મદિવસ છે, તે દિવસે રાજ્યના તમામ ખેડૂતોના ખાતામાં 2 વર્ષનું બોનસ આપવામાં આવશે.
કોણ છે વિષ્ણુ દેવ સાય?
વિષ્ણુ દેવ સાય સાહુ (તેલી) સમુદાયના છે. તેમનો જન્મ જશપુરમાં થયો હતો. રાજકારણમાં આવતા પહેલા તેઓ ખેડૂત હતા. છત્તીસગઢ મધ્યપ્રદેશથી અલગ થયું તે પહેલાં, તેમણે 1990-98 ની વચ્ચે મધ્ય પ્રદેશ વિધાનસભાના સભ્ય તરીકે તેમની રાજકીય કારકિર્દીની શરૂઆત કરી હતી. છત્તીસગઢ વિધાનસભા ચૂંટણી 2023 માં, વિષ્ણુ દેવ સાઈએ કુંકુરી મતવિસ્તારમાંથી કોંગ્રેસના વર્તમાન ધારાસભ્ય યુડી મિંજને હરાવીને જીત મેળવી હતી.
છત્તીસગઢના બીજા આદિવાસી મુખ્યમંત્રી બન્યા
અજીત જોગી પછી વિષ્ણુ દેવ છત્તીસગઢના બીજા આદિવાસી મુખ્યમંત્રી બન્યા છે. તેઓ પીએમ મોદીની પ્રથમ કેબિનેટમાં કેન્દ્રીય સ્ટીલ રાજ્ય મંત્રી હતા. વિષ્ણુ દેવ સાય 2020 થી 2022 સુધી ભાજપના પ્રદેશ અધ્યક્ષ રહ્યા છે.
આ સિવાય તેઓ રાયગઢથી લોકસભાના સભ્ય પણ રહી ચૂક્યા છે. વિષ્ણુ દેવે રાયગઢ મતવિસ્તારમાંથી 1999 થી 2014 સુધી સતત ચાર લોકસભા ચૂંટણી જીતી હતી. 2019ની લોકસભા ચૂંટણીમાં વિષ્ણુ દેવને ટિકિટ આપવામાં આવી ન હતી.
આ પણ વાંચો:દ્વારકા સિરપકાંડના વ્હાઇટ કોલર બુટલેગરોની ધરપકડ, અન્ય ચાર ફરાર
આ પણ વાંચો:અંબાજી પ્રસાદ કેસમાં આરોપી જતીન શાહે કર્યો આપઘાત
આ પણ વાંચો:બાળકને કાર ચલાવવા આપતા પત્ની અને સાઢુભાઇ વિરુધ્ધ પતિનએ નોંધવી ફરિયાદ
આ પણ વાંચો:વ્યાજખોરનો આતંક યથાવત,અમરોલીનો પરિવાર વ્યાજના વિષચક્રમાં ફસાયો
આ પણ વાંચો:53 વર્ષ જુના ST ડેપોની જર્જરીત હાલત, ઠેર ઠેર કચરો અને દારૂની બોટલ મળી જોવા
