ચોમાસાની ઋતુ આવતા જ વાતાવરણમાં ઠંડક તો પ્રસરી જાય છે, પરંતુ તેની સાથે આપણી સ્કીન (skin) ની મુશ્કેલીઓ પણ વધી જાય છે. ઘણા લોકો ફરિયાદ કરે છે કે ચોમાસામાં તેમનો ચહેરો સામાન્ય કરતાં વધુ ચીકણો અને ઓઇલી દેખાવા લાગે છે.વારંવાર મોઢું ધોવા છતાં પણ સ્કીન પરથી તેલ ઓછું થવાનું નામ નથી લેતું જો તમે પણ ચોમાસામાં આ ઓઇલી સ્કીન અને તેના કારણે થતા ખીલ (Pimples) થી પરેશાન છો,તો ચાલો સમજીએ કે આવું કેમ થાય છે અને તેનાથી કેવી રીતે બચી શકાય.
ચોમાસામાં સ્કીન ઓઇલી થવાનું મુખ્ય કારણ:આ દિવસોમાં હવામાં ભેજનું પ્રમાણ (Humidity) ખૂબ જ વધી જાય છે.જ્યારે વાતાવરણમાં ભેજ અને ગરમી બંને ભેગા થાય છે,ત્યારે આપણી ત્વચામાં આવેલા સેબેસીયસ ગ્લેન્ડ્સ (તેલ ઉત્પન્ન કરતી ગ્રંથિઓ) વધુ સક્રિય થઇ જાય છે અને જરૂરિયાત કરતા વધુ સેબમ (તેલ) બહાર ફેંકે છે આ તેલની સાથે હવામાં રહેલો કચરો અને પ્રદૂષણ ચહેરા પર ચોંટી જાય છે,જેના લીધે ત્વચાના છિદ્રો (Pores) બંધ થઇ જાય છે અને ખીલ થવા લાગે છે.
રાહત મેળવવા 4 સરળ અને રામબાણ ઉપાયો: જેલ બેઝ્ડ ક્લીન્ઝર વાપરો:દિવસમાં બે થી ત્રણ વાર ચહેરો ચોક્કસ ધોવો, પણ ખાસ ધ્યાન રાખો કે તમારું ફેસવોશ જેલ અથવા સેલિસિલિક એસિડવાળું હોય. તે ત્વચાના ઊંડાણમાંથી તેલને સાફ કરે છે અને સ્કીનને ડ્રાય થવા દીધા વગર નેચરલ ગ્લો આપે છે.
ટોનરનો ઉપયોગ ચૂકશો નહીં:ફેસવોશ કર્યા પછી ચહેરા પર સારું આલ્કોહોલ-ફ્રી ટોનર અથવા સાદું ગુલાબજળ જરૂર લગાવો. ટોનર તમારા ઓપન પોર્સને નાના કરે છે, જેના કારણે ચહેરા પરથી તેલ નીકળવાનું પ્રમાણ ઘણું ઓછું થઈ જાય છે.
સ્કીનને હાઇડ્રેટ રાખો:ઘણા લોકો વિચારે છે કે સ્કીન ઓઇલી છે તો મોઇશ્ચરાઇઝરની શું જરૂર? પણ આ ભૂલ છે. જો તમે મોઇશ્ચરાઇઝર નહીં લગાવો તો સ્કીન વધુ તેલ બનાવશે. તેથી ચોમાસામાં લાઈટ-વેઈટ અને વોટર-બેઝ્ડ (Water-based) મોઇશ્ચરાઇઝર જ પસંદ કરો.
મુલતાની માટીનો ફેસપેક:અઠવાડિયામાં બે વાર મુલતાની માટીમાં ગુલાબજળ મિક્સ કરીને ચહેરા પર લગાવો. મુલતાની માટી ચહેરા પરનું વધારાનું તેલ કુદરતી રીતે શોષી લે છે અને ત્વચાને એકદમ ફ્રેશ લુક આપે છે.ચોમાસા દરમિયાન ખૂબ જ હેવી મેકઅપ કરવાનું ટાળો અને દિવસભર પુષ્કળ પાણી પીઓ જેથી બોડી અંદરથી ડિટોક્સ થાય અને સ્કીન હેલ્ધી રહે.
