શું તમે ક્યારેય વિચાર્યું છે કે કોઈપણ ફોન નંબર પહેલાં +91 શા માટે લખવામાં આવે છે? ઘણા લોકો આ વાતથી વાકેફ હશે. કારણ કે આ દેશનો કોડ છે અને ભારતનો દેશ કોડ +91 છે. પરંતુ માત્ર +91 શા માટે? શા માટે કોઈ અન્ય દેશનો કોડ આપવામાં આવ્યો નથી. તે જ સમયે, ભારતને આ દેશનો કોડ કોણે આપ્યો અને તે કયા આધારે નક્કી કરવામાં આવે છે.
આવા અનેક સવાલોના જવાબ અમે આજે તમારા માટે લાવ્યા છીએ. કન્ટ્રી કૉલિંગ કોડ્સ કેવી રીતે નક્કી કરવામાં આવે છે અને તે કોણ નક્કી કરે છે? આ માટે તમારે કેટલીક બાબતો સમજવી પડશે. જેમ કે ઇન્ટરનેશનલ ટેલિકોમ્યુનિકેશન યુનિયન શું છે? ઇન્ટરનેશનલ ડાયરેક્ટ ડાયલિંગ શું છે? આવો જાણીએ આ તમામની વિગતો.
ઇન્ટરનેશનલ ટેલિકોમ્યુનિકેશન યુનિયન શું છે?
કન્ટ્રી કૉલિંગ કોડ્સ અથવા કન્ટ્રી ડાયલ-ઇન કોડ્સનો ઉપયોગ ટેલિફોન નંબરના ઉપસર્ગમાં થાય છે. આની મદદથી ઇન્ટરનેશનલ ટેલિકોમ્યુનિકેશન યુનિયન (ITU)ના સભ્યો અથવા પ્રદેશના ટેલિફોન ગ્રાહકોને જોડી શકાય છે.
ઉદાહરણ તરીકે, ભારત માટે આ કોડ +91 છે. જ્યારે પાકિસ્તાનનો ડાયલ કોડ +92 છે. આ કોડ્સને ઇન્ટરનેશનલ સબસ્ક્રાઇબર્સ ડાયલિંગ પણ કહેવામાં આવે છે. ITU એટલે કે ઇન્ટરનેશનલ ટેલિકોમ્યુનિકેશન યુનિયન એક ખાસ એજન્સી છે, જે સંયુક્ત રાષ્ટ્રનો ભાગ છે.
આ એજન્સી ઇન્ફોર્મેશન અને કોમ્યુનિકેશન ટેક્નોલોજી સંબંધિત મુદ્દાઓ પર કામ કરે છે. તેની સ્થાપના 17 મે 1865ના રોજ આંતરરાષ્ટ્રીય ટેલિગ્રાફ યુનિયન તરીકે કરવામાં આવી હતી. તેનું મુખ્ય મથક જીનીવામાં છે. કુલ 193 દેશો આ સંઘનો ભાગ છે. દેશનો કોડ આપવો એ તેના કામનો એક ભાગ છે. એટલે કે આ એજન્સીએ ભારતને +91 કોડ આપ્યો છે.
ભારતને +91 કોડ કેમ મળ્યો?
દેશના કોડ આંતરરાષ્ટ્રીય ટેલિફોન નંબરિંગ પ્લાનનો ભાગ છે. તેઓનો ઉપયોગ એક દેશમાંથી બીજા દેશમાં કોલિંગ દરમિયાન થાય છે. તમારા દેશમાં, આ કોડ આપમેળે લાગુ થાય છે, પરંતુ આંતરરાષ્ટ્રીય નંબર ડાયલ કરવા માટે, તમારે આ કોડનો ઉપયોગ કરવો પડશે.
એટલે કે, જ્યારે તમે તમારા પોતાના દેશના અન્ય સ્થાનિક યુર્ઝસ કોલ કરો છો, ત્યારે આ કોડ આપમેળે લાગુ થાય છે. પરંતુ ઇન્ટરનેટ કોલમાં તમારે આ કોડનો અલગથી ઉપયોગ કરવો પડશે.
કયા દેશને કયો કોડ મળશે, તે તેમના ઝોન અને ઝોનમાં તેમની સંખ્યાના આધારે નક્કી કરવામાં આવે છે. ભારત 9મા ઝોનનો ભાગ છે, જેમાં મોટાભાગે મધ્ય પૂર્વ અને દક્ષિણ એશિયાના દેશોનો સમાવેશ થાય છે.
અહીં ભારતને 1 કોડ મળ્યો છે. તેથી ભારતનો આંતરરાષ્ટ્રીય ડાયલિંગ કોડ +91 છે. જ્યારે તુર્કીનો કોડ +90, પાકિસ્તાનનો +92, અફઘાનિસ્તાનનો +93, શ્રીલંકાનો +94 છે.
આ પણ વાંચો:ગુજરાતમાં બે તબક્કામાં 1 અને 5 ડિસેમ્બરે મતદાન, 8 ડિસેમ્બરે વિધાનસભા ચૂંટણીના પરિણામો
આ પણ વાંચો:ગુજરાતમાં બીજા તબક્કાની 93 બેઠકોનું ગણિત, જાણો 5 ડિસેમ્બરે ક્યાં થશે મતદાન
આ પણ વાંચો:ગુજરાત વિધાનસભા ચૂંટણીની તારીખો જાહેર પહેલા કોંગ્રેસે ટ્વિટ કરીને ECને ગાંધીજીના 3
