પંજાબમાં વડાપ્રધાન નરેન્દ્ર મોદીની સુરક્ષાને લઈને મોટી ગરબડ થઈ હતી. સૂત્રોએ દાવો કર્યો છે કે પંજાબના મુખ્ય સચિવ અને ડીજીપી જાણીજોઈને કાફલામાં પીએમ મોદીની સાથે ન હતા. એટલું જ નહીં, સૂત્રોએ એવો પણ દાવો કર્યો છે કે પીએમ મોદીની સુરક્ષામાં તૈનાત પોલીસકર્મીઓ પ્રદર્શનકારીઓ સાથે ચા પી રહ્યા હતા.દેશના વડાપ્રધાનની સુરક્ષાને લઈને કેટલી બેદરકારી દાખવવામાં આવી તે અંગે કેટલાક મોટા ખુલાસા થયા છે.
પીએમનો કાફલો ફિરોઝપુરના ફ્લાયઓવર પરથી પસાર થવાનો હતો અને ત્યાં વિરોધ કરી રહેલા ખેડૂતોની ભીડ હતી. તે જગ્યાએ પીએમ મોદીના કાફલાનો રસ્તો સાફ કરવાને બદલે પોલીસકર્મીઓ ચા પી રહ્યા હતા.સવાલો ઉઠી રહ્યા છે કે સુરક્ષાની જવાબદારી સંભાળતી પોલીસ ચા પીવામાં કેમ વ્યસ્ત હતી?શું સિક્યુરિટી ગાર્ડે તેમના અધિકારીઓને જાણી જોઈને ગ્રાઉન્ડ ઝીરો રિયાલિટીથી અજાણ રાખ્યા હતા?
વડાપ્રધાનના કાફલામાં રાજ્યના ડીજીપી અને મુખ્ય સચિવના વાહનોને રિઝર્વમાં રાખવામાં આવ્યા હતા, પરંતુ બંને વરિષ્ઠ અધિકારીઓ કાફલામાં જોડાયા ન હતા. સામાન્ય રીતે જ્યારે પણ પીએમ કોઈ પણ રાજ્યની મુલાકાતે જાય છે ત્યારે મુખ્યમંત્રી તેમજ તે રાજ્યના મુખ્ય સચિવ અને ડીજીપી પોતે પીએમ અને તેમના કાફલા સાથે હાજર રહે છે, પરંતુ પંજાબમાં આવું બન્યું નથી.એટલા માટે સવાલો ઉઠી રહ્યા છે કે શું પંજાબના અધિકારીઓને અગાઉથી બધું જ ખબર હતી?અધિકારીઓને બધી ખબર હતી તો પીએમને કેમ જવા દીધા.સવાલો ઉઠે છે કે ખેડૂતોને પીએમના રૂટ વિશે કેવી રીતે ખબર પડી?શું પીએમના રૂટની માહિતી લીક થઈ હતી?
કેન્દ્રીય ગુપ્તચર એજન્સીઓ અને પીએમ જે રાજ્યમાં ગયા છે તે રાજ્યની સ્થાનિક પોલીસ-પ્રશાસન, ત્રણેય મળીને વડાપ્રધાનનો રૂટ નક્કી કરે છે. આ એક સામૂહિક નિર્ણય છે અને અંતિમ નિર્ણય SPG દ્વારા લેવામાં આવે છે. રૂટની સુરક્ષાની જવાબદારી સ્થાનિક પોલીસની છે. એટલે કે જો રૂટમાં કોઇપણ પ્રકારનો અવરોધ હોય તો તેને દૂર કરવાની જવાબદારી સ્થાનિક પોલીસની રહેશે.
જો ખેડૂતો કેટલાય કલાકો સુધી ત્યાં બેઠા હતા તો ગુપ્તચર એજન્સીઓને તેની જાણ તરત જ કરવી જોઈતી હતી અને સુરક્ષા પ્રોટોકોલ મુજબ પીએમના કાફલાને પૂર્વ નિર્ધારિત બેકઅપ રૂટથી લઈ જવો જોઈતો હતો, પરંતુ તેમ થયું નહીં.
