આગામી ટી20 વર્લ્ડ કપમાં ભાગ લેવા જઇ રહી અફઘાનિસ્તાન ટીમ માટે એક મોટો પડકાર હશે,અફઘાનિસ્તાન પર તાલિબાનોએ કબજો કરી લીધો છે.તાલિબાનોએ દેશના ક્રિકેટ બોર્ડના ઉચ્ચ અધિકારીઓને અચાનક તેમના હોદ્દા પરથી હટાવી દીધાં હતા અને મહિલા ક્રિકેટ રમવા પર પ્રતિબંધ મુકવામાં આવ્યો છે.
ઉલ્લેખનીય છે કે નસીબુલ્લાહ હક્કાનીએ અફઘાનિસ્તાન ક્રિકેટ બોર્ડના એક્ઝિક્યુટિવ ડિરેક્ટર હામિદ શિનવારીને બદલ્યા છે. અફઘાનિસ્તાનમાં રમતના ભવિષ્ય વિશે વધતી ચિંતા વચ્ચે, આંતરરાષ્ટ્રીય ક્રિકેટ પરિષદમાં (ICC) 17 ઓક્ટોબરથી સંયુક્ત આરબ અમીરાત અને ઓમાનમાં શરૂ થનારા T20 વર્લ્ડ કપમાં અફઘાન ધ્વજને તાલિબાનના ધ્વજ સાથે બદલવા દબાણ કરી શકે છે.
જો આવી કોઈ વિનંતી કરવામાં આવે તો, આઈસીસી બોર્ડ ઓફ ડિરેક્ટર્સ ચોક્કસપણે આવી વિનંતીને ફગાવી દેશે.પાકિસ્તાન સિવાય અન્ય દેશો અફઘાનિસ્તાનના બદલાયેલા ધ્વજ સામે રમવા માટે તૈયાર થશે કે કેમ તે અંગે પરિસ્થિતિ સ્પષ્ટ નથી. ઉલ્લેખનીય છે કે પાકિસ્તાનમાં તાલિબાન સરકારને સંપૂર્ણ સમર્થન છે અને સમર્થકોમાં પૂર્વ કેપ્ટન શાહિદ આફ્રિદીનો પણ સમાવેશ થાય છે.
આઈસીસી બોર્ડના એક સભ્યએ કહ્યું કે, “હવે કંઈપણ કહેવું ખૂબ જ વહેલું છે. અત્યાર સુધી તાલિબાનના ધ્વજ હેઠળ રમવાની કોઈ વિનંતી કરવામાં આવી નથી, પરંતુ જ્યાં સુધી કામગીરીની વાત છે, આઈસીસી બોર્ડે તે અંગે નિર્ણય લેવાની જરૂર છે. દરેક વ્યક્તિ અફઘાનિસ્તાનની સ્થિતિ પર નજર રાખી રહ્યું છે.તેમણે આગળ કહ્યું, “સામાન્ય રીતે જો ICC ક્રિકેટ બોર્ડ પર પ્રતિબંધ મૂકે છે, તો તે ખાતરી કરે છે કે ખેલાડીઓ તેનાથી પ્રભાવિત ન થાય. રાશિદ ખાન હોય કે મોહમ્મદ નબી, તેમાં કોઈનો દોષ નથી.