Gandhinagar News: ગુજરાતમાં મુખ્યમંત્રી ઓફિસ, સ્વર્ણિમ સંકુલ, એએમસી ઓફિસ અને આરએસએસની કચેરીને બોમ્બ બ્લાસ્ટથી ઉડાવી દેવાની ધમકી અજાણ્યા ઇ-મેઇલ આઇડી પરથી મળી હતી. હવે આ ધમકી ખાલિસ્તાનીઓ તરફથી મળી હોવાનું કહેવાય છે. આ ધમકીમાં ઓપરેશન બ્લુ સ્ટારનો પણ ઉલ્લેખ છે. હિંદુઓ તમારે સુરક્ષિત રહેવું હોય તો આરએસએસ છોડો તેવી ધમકી પણ આપવામાં આવી છે. આ ધમકીના પગલે સુરક્ષા એજન્સીઓ એલર્ટ થઈ ગઈ છે અને તેણે તપાસ શરૂ કરી દીધી છે.
10 જૂનથી 30 સપ્ટેમ્બર દરમિયાન મળેલા ગંભીર બોમ્બ ધમકીઓને પગલે અમદાવાદ અને ગાંધીનગરમાં સુરક્ષા એજન્સીઓને તૈનાત કરવામાં આવી છે. અલગ અલગ ઈમેલ એડ્રેસ પરથી મોકલવામાં આવેલી આ ધમકીઓમાં ખાસ કરીને મુખ્યમંત્રી કાર્યાલયને બપોરે 1-11 વાગ્યે, એએમસી કાર્યાલયને બપોરે 3-11 વાગ્યે અને આરએસએસ કાર્યાલયને સાંજે 5-11 વાગ્યે બોમ્બથી ઉડાવી દેવાની હાકલ કરવામાં આવી છે.
અમદાવાદ મ્યુનિસિપલ કોર્પોરેશનના દાણાપીઠ સ્થિત મુખ્ય કાર્યાલયને બોમ્બથી ઉડાવી દેવાની ધમકી મળી છે. ધમકી બાદ તાત્કાલિક સમગ્ર ઈમારત ખાલી કરાવી દેવામાં આવી છે. હાઈ એલર્ટ બાદ, તમામ સંવેદનશીલ સ્થળોએ સુરક્ષા કડક કરવામાં આવી છે, અને પોલીસ અને સાયબર ક્રાઈમ ટીમે ઈમેલનો સ્ત્રોત શોધવા માટે સઘન તપાસ શરૂ કરી છે.
અમદાવાદ મ્યુનિસિપલ કોર્પોરેશનના દાણાપીઠ સ્થિત મુખ્ય કાર્યાલયમાંથી મેયર, ડેપ્યુટી મેયર, સ્ટેન્ડિંગ કમિટી ચેરમેન, શાસક પક્ષના નેતાઓ અને મુખ્ય કાર્યાલયના સ્ટાફ (પોલીસ સહિત)ને ખાલી કરાવી દેવામાં આવ્યા છે. ફાયર બ્રિગેડ અને પોલીસની ટીમો ઘટનાસ્થળે પહોંચી ગઈ છે અને ઈમારતનું નિરીક્ષણ કરી રહી છે.
આ પણ વાંચો: વિધાનસભા સંકુલને બોમ્બથી ઉડાવવાની ધમકી મળતા હર્ષ સંઘવી આકરા પાણીએ, પોલીસ અધિકારીઓ સાથે કરી તાબડતોબ બેઠક
આ પણ વાંચો: અમદાવાદ મેટ્રોપોલિટન કોર્ટને બોમ્બથી ઉડાવવાની ધમકી, કોર્ટ ખાલી કરાઈ
આ પણ વાંચો: હાઈકોર્ટ પછી હવે ગ્રામ્ય કોર્ટને બોમ્બથી ઉડાવવાની ધમકી, કોર્ટની કાર્યવાહી સ્થગિત
