Ahmedabad Gramin Court Bomb Threat: અમદાવાદના ગ્રામ્ય કોર્ટને બોમ્બ (Bomb)થી ઉડાવવાની ધમકી મળી છે, જે બાદ કોર્ટમાં ચકચાર મચી છે. ધમકી ગ્રામ્ય કોર્ટના રજિસ્ટ્રી વિભાગને ઈમેલ દ્વારા મળી હતી, જેથી કોર્ટની કાર્યવાહી તાત્કાલિક સ્થગિત કરવામાં આવી. આ મામલે બોમ્બ સ્ક્વોડ અને ડોગ સ્ક્વોડ સહિતની સુરક્ષા ટીમો સ્થળ પર પહોંચી તપાસ હાથ ધરી છે.
આથી અગાઉ પણ આ પ્રકારની ઘટનાઓ બની ચૂકી છે. મહિના પહેલા ગુજરાત હાઈકોર્ટને બોમ્બની ધમકીભર્યો ઈમેલ મળ્યો હતો, જેના પગલે હાઈકોર્ટમાં બોમ્બ અને ડોગ સ્ક્વોડ પહોંચી હતી. તે સમયે ઈન્ડિગો ફ્લાઈટમાં બોમ્બની ધમકી મળી, જેના કારણે અમદાવાદ એરપોર્ટ પર ઈમરજન્સી લેન્ડિંગ કરવામાં આવ્યું હતું.
હાઈકોર્ટને Bombથી ઉડાવી દેવાની ધમકી મળી હતી
20 ઓગસ્ટના રોજ ગુજરાત હાઈકોર્ટને બોમ્બથી ઉડાવી દેવાની ધમકી મળી હતી અને અજાણી વ્યક્તિ દ્વારા ઈમેલ મોકલવામાં આવ્યો હતો. હાઈકોર્ટના રજીસ્ટ્રાર દ્વારા તાત્કાલિક સોલા પોલીસને જાણ કરવામાં આવી અને તપાસ હાથ ધરાઈ. BDDS સહિતની ટીમ દ્વારા તપાસ કરવામાં આવી પરંતુ કોઈ શંકાસ્પદ વસ્તુ મળી નહોતી.
9 જૂનના રોજ ગુજરાત હાઈકોર્ટને બોમ્બથી ઉડાવવાની બીજી ધમકી મળી હતી, જેને પગલે તાત્કાલિક સર્ચ ઓપરેશન હાથ ધરાયું અને રિસેસ બાદ કોર્ટ બંધ કરવાની સૂચના આપી. વકીલોને પણ કોર્ટ છોડવાની સૂચના આપવામાં આવી હતી.
