લંડન,
વિમ્બલડનમાં ચોથા દિવસે વરસાદનું વિઘ્ન આવતા ઘણી મેચો સસ્પેન્ડ કરવામાં આવી હતી, જેમાં સ્વીસ ખેલાડી સ્તાન વાવરીન્કા અને ઇટાલિયન ખેલાડી ફેબીઆનો વચ્ચેની મેચમાં કાંટાની ટક્કર જોવા મળી હતી.જેમાં વાવરીન્કા પ્રથમ ૨ સેટ ૭-૬(૯-૭),૬-૩ થી ગુમાવ્યા બાદ ત્રીજા સેટમાં ભારે જહેમત બાદ ૫-૬ થી જીત મેળવી હતી,ત્યાર બાદ વરસાદના વિઘ્નને કારણે મેચ રોકવી પડી હતી.
તેજ રીતે ચિલિક અને ગીડા પેલો વચ્ચેની મેચ પણ ત્રણ સેટમાં જ રોકવી પડી હતી જેમાં ચીલીક ૬-૩,૬-૧,૩-૪ સ્કોર સાથે ૨ સેટમાં જીત મેળવી આગળ રહ્યો છે.
બીજી તરફ સ્વીસ એક્ષ્પ્રેસ રોજર ફેડરરે લુકાસ લેકોને આસનીથી સીધા સેટમાં ૬-૪,૬-૪,૬-૧ થી હરાવીને ત્રીજા રાઉન્ડમાં પ્રવેશ મેળવ્યો છે.આજે રફેલ નાદાલ કઝાકસ્તાનના મિખાઈલ કુકુસ્કિન સામે રમશે,જયારે નોવાક જોકોવિચ આર્જેન્ટિનાના ખેલાડી હોરાસીઓ ઝેબલો સામે ટકરાશે.
વિમેન્સમાં સેરેના વિલિયમ્સે તોમોવાને સીધા સેટમાં ૬-૧,૬-૪ થી હરાવ્યો હતી.આજે ત્રીજી ક્રમાંકિત મુગુરુઝા બેલ્જીયમની અલીસોન વાન સામે ટકરાશે.
