કેટલીકવાર લોકોની નાની બેદરકારી પણ કોઈનો જીવ જોખમમાં મૂકી શકે છે. જેના પછી અફસોસ સિવાય કશું બચતું નથી. આવું જ કંઈક અહીં જોવા મળ્યું. એક કન્ટેનરની અંદર કંઈક એવું હતું કે તેને જોઈને અધિકારીઓ ચોંકી ગયા. કન્ટેનરમાંથી વિચિત્ર અવાજો આવી રહ્યા હતા. એમાં શું છે તેની કોઈને ખબર નહોતી. પરંતુ જ્યારે તે ખોલવામાં આવ્યું ત્યારે કોઈને તેમની આંખો પર વિશ્વાસ ન થયો. તેની અંદર એક મહિલા હાજર હતી. તે તેમાં ફસાઈ ગઈ હતી. આ મહિલા લગભગ એક અઠવાડિયા પહેલા ગુમ થઈ હતી.
માહિતી અનુસાર આ મામલો અમેરિકાના ફ્લોરિડાનો છે. આ મહિલા ગુરુવારે કન્ટેનરમાંથી મળી આવી હતી. કેસની માહિતી આપતા પોલીસે જણાવ્યું કે 52 વર્ષની માર્લેની લોપેઝને સોમવારે તેના ઘરે છેલ્લે જોવામાં આવી હતી. તે તેના પુત્રને લેવા ઘરેથી નીકળી હતી. પણ ટે ફરી પછી આવી નહીં. તેની સાથે કામ કરતા એક વ્યક્તિએ આ અંગે પોલીસને જાણ કરી હતી. તપાસકર્તાઓએ પરિવારની પૂછપરછ કરી, નજીકના સ્થળોની તપાસ કરી અને ગુમ વ્યક્તિઓના પોસ્ટર લગાવ્યા.
આ દરમિયાન તેમને ખબર પડી કે એક મહિલા શિપિંગ કન્ટેનરમાં કેદ મળી આવી છે. લોપેઝ કન્ટેનરનો દરવાજો ખખડાવી રહ્યો હતો. કોઈએ તેનો અવાજ સાંભળ્યો અને ત્યાં જઈને જોયું. લોપેઝે કહ્યું કે તેને ખબર નથી કે તે કન્ટેનરમાં કેવી રીતે ફસાઈ ગઈ. તે કયા સંજોગોમાં અહીં ફસાઈ ગઈ તે જાણવા માટે તપાસ કરવામાં આવી રહી છે. કોકો પોલીસ વિભાગે લોકોને વિનંતી કરી છે કે તેઓ તેમના નંબર પર ફોન કરીને આ કેસ વિશે માહિતી આપે. આ પહેલા પણ અમેરિકામાંથી આવો જ એક કિસ્સો સામે આવ્યો હતો. જેમાં કન્ટેનરની અંદર એક કૂતરો ફસાઈ ગયો હતો. તે એક અઠવાડિયાથી ભૂખ્યો અને તરસ્યો હતો. તેને જોઈને અધિકારીઓનું દિલ દુખી થઈ ગયું.
આ પણ વાંચોઃ
આ પણ વાંચોઃ
આ પણ વાંચોઃ
