ODI વર્લ્ડ કપ 2023નું આયોજન ભારતમાં થવા જઈ રહ્યું છે. ભારતીય ક્રિકેટ ચાહકો માટે આ એક મોટી ભેટ છે કે આ વખતે ક્રિકેટના મહાકુંભની તમામ મેચો માત્ર ભારતમાં જ યોજાશે. આ માટે દિલ્હી, લખનૌ, ચેન્નઈ, બેંગલુરુ, મુંબઈ, અમદાવાદ, હૈદરાબાદ, ધર્મશાલા, પુણે અને કોલકાતા જેવા ટોચના સ્થળોની પસંદગી કરવામાં આવી છે. ભારતીય ટીમ હૈદરાબાદને છોડીને તમામ 9 સ્થળોએ મેચ રમશે. આવી સ્થિતિમાં ભારતીય ચાહકોમાં ટિકિટ માટે ઉત્સાહ જોવા મળશે. ટુર્નામેન્ટની ટિકિટોનું વેચાણ શરૂ થઈ ગયું છે. બીજી તરફ, વેબસાઇટ ક્રેશ થવાના સમાચાર પહેલા દિવસે જ શુક્રવારે સામે આવ્યા હતા.
35-40 સુધી વેબસાઇટ બંધ રહી
ઓડીઆઈ વર્લ્ડ કપની ટિકિટોનું વેચાણ શુક્રવારે શરૂ થયું હતું પરંતુ સત્તાવાર વેબસાઈટ 35 થી 40 મિનિટમમાં ક્રેશ થઈ ગઈ હતી, મીડિયાએ અહેવાલ આપ્યો હતો. આ દરમિયાન એપ અને વેબસાઈટ કાર્યરત ન થવાને કારણે ચાહકોને ટિકિટ બુક કરાવવામાં ભારે મુશ્કેલીનો સામનો કરવો પડ્યો હતો. ટિકિટોનું વેચાણ ખૂબ મોડું શરૂ થયું છે અને પહેલા જ દિવસે વેચાણ એવી મેચોનું હતું જેમાં ભારત રમી રહ્યું નથી. જો કે, પ્રક્રિયા સ્થાનિક સમય મુજબ રાત્રે 8 વાગ્યે શરૂ થઈ અને તરત જ ચાહકોએ ‘બુક માય શો’ એપ ક્રેશ થવાની ફરિયાદ કરી. આ એપ 5 ઓક્ટોબરથી શરૂ થઈ રહેલા વર્લ્ડ કપ માટે ટિકિટિંગ પાર્ટનર છે.
ચાહકો નિરાશ
તે ખરેખર નિરાશાજનક છે,” પીટીઆઈએ દિલ્હીના એક રમતપ્રેમીને ટાંકીને કહ્યું. ટિકિટના વેચાણની જાહેરાત આટલી મોડી અને તે પછી પણ ત્યાં કોઈ વ્યવસ્થા ન હોવાના કારણે બીસીસીઆઈ અને આઈસીસીની છબી ખરાબ થાય છે. આવી ટુર્નામેન્ટ વિશ્વભરમાં યોજાય છે, જેના માટે લોટરી અને ટિકિટ લાઇન જેવી સિસ્ટમો ખૂબ સામાન્ય છે. જો કે, ટિકિટ વેચાણના નિર્ધારિત સમયના અડધા કલાક પછી, વેબસાઇટ સરળ રીતે કામ કરવા લાગી હતી પરંતુ ત્યાં સુધીમાં ઘણા ચાહકોની ધીરજ ખૂટી ગઈ હતી.
વર્લ્ડ કપ ટિકિટ વેચાણનું સંપૂર્ણ શેડ્યૂલ
25 ઓગસ્ટ રાત્રે 8 વાગ્યાથી: બિન-ભારતીય વોર્મ-અપ મેચો અને તમામ બિન-ભારતીય ઇવેન્ટ મેચો
30 ઓગસ્ટ રાત્રે 8 વાગ્યાથી: ભારતમાં ગુવાહાટી અને તિરુવનંતપુરમમાં યોજાનારી મેચ માટે ટિકિટનું વેચાણ શરૂ થશે
31 ઓગસ્ટના રોજ રાત્રે 8 વાગ્યાથી: ભારતમાં ચેન્નાઈ, દિલ્હી અને પૂણેમાં યોજાનારી મેચ માટે ટિકિટનું વેચાણ શરૂ થશે.
1 સપ્ટેમ્બરના રોજ રાત્રે 8 વાગ્યાથી: ભારતના ધર્મશાલા, લખનૌ અને મુંબઈમાં યોજાનારી મેચની ટિકિટોનું વેચાણ શરૂ થશે.
2 સપ્ટેમ્બરના રોજ રાત્રે 8 વાગ્યાથી: ભારતમાં બેંગલુરુ અને કોલકાતામાં યોજાનારી મેચની ટિકિટોનું વેચાણ શરૂ થશે.
3 સપ્ટેમ્બર રાત્રે 8 વાગ્યાથી: ભારતની અમદાવાદ મેચની ટિકિટ (IND vs PAK ઓક્ટોબર 14)
15 સપ્ટેમ્બર રાત્રે 8 વાગ્યાથી: સેમી-ફાઇનલ અને ફાઇનલ ટિકિટનું વેચાણ શરૂ થશે
આ પણ વાંચો:World Cup 2023/વર્લ્ડ કપ 2023માં ત્રીજા નહીં ચોથા નંબર પર રમશે વિરાટ? ડી વિલિયર્સે આપ્યો ગુરુમંત્ર
આ પણ વાંચો:Advisory Against Betting And Gambling/ સરકારે સટ્ટાબાજીની જાહેરાતો પ્રદર્શિત કરવા પર લગાવ્યો પ્રતિબંધ, આદેશનું પાલન નહીં કરનાર સંસ્થાઓ સામે લેવાશે પગલાં
આ પણ વાંચો:World Cup 2023/ ભારતના પૂર્વ ચીફ સિલેક્ટરે World Cup 2023 માટે કરી ટીમ ઈન્ડિયાની પસંદગી, આ નિર્ણયથી ચાહકો આશ્ચર્યચકિત
