World Hypertension Day 2026: વિશ્વભરમાં આવતીકાલે અર્થાત્ 17 મેના દિવસે ‘વિશ્વ હાઈપરટેન્શન દિવસ’ મનાવવામાં આવશે. આ દિવસ મનાવવાનો મુખ્ય ઉદ્દેશ્ય વૈશ્વિક સ્તરે હાઈ બ્લડ પ્રેશર (High Blood Pressure) પ્રત્યે જાગૃતિ ફેલાવવાનો અને તેના વહેલા નિદાન તેમજ યોગ્ય વ્યવસ્થાપન માટે લોકોને પ્રોત્સાહિત કરવાનો છે.
આજે 17 મેના રોજ World Hypertension Day મનાવવામાં આવશે. હાઈ બ્લડ પ્રેશર અથવા સાયલન્ટ કિલરથી બચવા અને તેને કાબૂમાં લેવા માટે મેડિકલ ક્ષેત્રે કયા નવા આવિષ્કારો થયા છે, તે વિશે વાંચો આ ખાસ અહેવાલમાં.
હાલમાં વિશ્વભરમાં 1 અબજ (100 કરોડ) થી વધુ લોકો હાઈપરટેન્શનની (World Hypertension Day) સમસ્યાથી પીડાઈ રહ્યા છે. હાઈ બ્લડ પ્રેશર એ હૃદય રોગ અને સ્ટ્રોક જેવી ગંભીર બીમારીઓ માટે સૌથી મોટું જોખમ હોવાથી, તબીબી ક્ષેત્રે સતત નવા સંશોધનો અને દર્દીઓની જાગૃતિ અત્યંત અનિવાર્ય બની ગઈ છે. આ વિશેષ અવસરે મેડિકલ ટેકનોલોજી કંપની ‘રિકોર મેડિકલ’ (Recor Medical) એ હાઈપરટેન્શનના ઈલાજ માટે વૈશ્વિક સ્તરે થઈ રહેલા આધુનિક સંશોધનો અને નવીન તકનીકો પર પ્રકાશ પાડ્યો છે.
‘વિશ્વ હાઈપરટેન્શન દિવસ‘ ની થીમ (World Hypertension Day)
આ વર્ષ 2026ની વૈશ્વિક થીમ છે…
“Controlling Hypertension Together”
અર્થાત્
“સાથે મળીને હાઈપરટેન્શનને નિયંત્રિત કરીએ”
આ થીમ દર્દીઓ, તબીબો અને સમગ્ર સમાજની એકતા પર ભાર મૂકે છે, જેથી પ્રારંભિક તબક્કામાં જ આ રોગને ઓળખીને લાંબુ અને સ્વસ્થ જીવન જીવી શકાય.
હાઈપરટેન્શન: એક ‘સાયલન્ટ કિલર‘ (The Silent Killer)
વિશ્વ આરોગ્ય સંસ્થા (WHO) ના અહેવાલ મુજબ, વર્ષ 1990 થી 2019 ની વચ્ચે હાઈપરટેન્શનથી (World Hypertension Day) પીડાતા પુખ્ત વયના લોકોની સંખ્યા 650 મિલિયનથી વધીને 1.3 બિલિયન (બમણી) થઈ ગઈ છે. હાઈ બ્લડ પ્રેશરના કોઈ પ્રારંભિક લક્ષણો દેખાતા ન હોવાથી તેને ‘સાયલન્ટ કિલર’ તરીકે ઓળખવામાં આવે છે. જો તેને સમયસર નિયંત્રિત કરવામાં ન આવે તો તે હાર્ટ અટેક, બ્રેઈન હેમરેજ (સ્ટ્રોક) અને કિડની ફેલ્યોર જેવી જીવલેણ સ્થિતિ તરફ દોરી જાય છે.
એક ચિંતાજનક હકીકત એ છે કે, હાઈ બ્લડ પ્રેશરની (World Hypertension Day) સારવાર લેતા દર્દીઓમાંથી લગભગ એક તૃતીયાંશ (આશરે 33%) દર્દીઓ એવા છે જેમનું બ્લડ પ્રેશર તંદુરસ્ત જીવનશૈલી અપનાવવા અને 3 થી વધુ પ્રકારની દવાઓ લેવા છતાં નિયંત્રણમાં આવતું નથી. આવા દર્દીઓ માટે નવી સારવાર પદ્ધતિઓ ખૂબ જ જરૂરી બની છે.
તબીબી ક્ષેત્રે નવો આવિષ્કાર: અલ્ટ્રાસાઉન્ડ રીનલ ડેનર્વેશન (uRDN)
દવાઓથી પણ જે દર્દીઓનું બ્લડ પ્રેશર કાબૂમાં નથી આવતું, તેમના માટે ‘અલ્ટ્રાસાઉન્ડ રીનલ ડેનર્વેશન’ (uRDN) ટેકનોલોજી એક આશીર્વાદ સમાન સાબિત થઈ રહી છે. આ એક નાની અને ઓછી આક્રમક (Minimally Invasive) પ્રક્રિયા છે.
પેરાડાઈઝ uRDN સિસ્ટમ (Paradise uRDN System)
રિકોર મેડિકલ કંપની દ્વારા વિકસિત આ સિસ્ટમ કિડનીની ધમનીઓ (Renal Arteries) ની આસપાસ આવેલી અતિશય સક્રિય ચેતાઓ (Overactive Nerves) ને શાંત કરવા માટે અલ્ટ્રાસાઉન્ડ એનર્જીનો ઉપયોગ કરે છે, જેનાથી બ્લડ પ્રેશરમાં મોટો ઘટાડો થાય છે.
કેવી રીતે કામ કરે છે?:
આ સિસ્ટમ મુખ્ય કિડની ધમનીઓ દ્વારા આસપાસની ચેતાઓ પર 360-ડિગ્રી અલ્ટ્રાસાઉન્ડ એનર્જીના 7 સેકન્ડના 2 થી 3 ડોઝ આપે છે. તેમાં ખાસ ‘હાઈડ્રોકૂલિંગ’ (HydroCooling) સિસ્ટમ હોય છે, જે પ્રક્રિયા દરમિયાન ધમનીની દિવાલોને સુરક્ષિત રાખવા માટે જંતુરહિત પાણીનો પ્રવાહ ચાલુ રાખે છે.
મંજૂરી અને સંશોધન:
આ પેરાડાઈઝ સિસ્ટમને નવેમ્બર 2023 માં યુએસ એફડીએ (FDA) દ્વારા મંજૂરી આપવામાં આવી હતી. યુએસએ, યુરોપ અને જાપાન જેવા દેશોમાં તેના ક્લિનિકલ ટ્રાયલ્સમાં સકારાત્મક પરિણામો જોવા મળ્યા છે.
રિકોર મેડિકલના ચીફ મેડિકલ ઓફિસર ડૉ.ના જણાવ્યા મુજબ, હાઈપરટેન્શન એ તબીબી જગતમાં સૌથી મોટું જોખમ છે, તેમ છતાં વૈશ્વિક સ્તરે તેનું નિદાન ખૂબ ઓછું થાય છે. હવે આપણે એક એવા નવા યુગમાં પ્રવેશી રહ્યા છીએ જ્યાં દવાઓની સાથે આવી ડિવાઈસ-આધારિત થેરાપીઓ દર્દીઓનું બ્લડ પ્રેશર ઘટાડવામાં મહત્વની ભૂમિકા ભજવશે.
નિષ્કર્ષ
આ ‘વિશ્વ હાઈપરટેન્શન દિવસ’ (World Hypertension Day) આપણને યાદ અપાવે છે કે આપણે નિયમિતપણે બ્લડ પ્રેશરની તપાસ કરાવવી જોઈએ. યોગ્ય આહાર, વ્યાયામ અને જરૂર પડે ત્યારે આધુનિક તબીબી પદ્ધતિઓ અપનાવીને હાઈ બ્લડ પ્રેશરને માત આપી શકાય છે.
આ પણ વાંચો:આજે 16 મે નેશનલ ડેન્ગ્યુ દિવસ, ડેન્ગ્યુ સામેની લડાઈ માટે તૈયાર રહો, આજે જ ફોલો કરો આ સરળ સ્ટેપ્સ
આ પણ વાંચો: 8 કલાક કામ…8 કલાક મનોરંજન…8 કલાક આરામ…આજે ‘આંતરરાષ્ટ્રીય શ્રમિક દિવસ’…
