વિશ્વના સૌથી મોટા વિમાન રોકે ફરી એકવાર આકાશમાં ઉડવાનું શરૂ કર્યું છે. રવિવારે, આ વિમાને લગભગ 8 મહિના પછી પ્રથમ વખત તેની પરીક્ષણ ઉડાન ભરી હતી. આ વિમાને 4 કલાક અને 23 મિનિટ સુધી હવામાં રહીને પોતાની ક્ષમતા દર્શાવી હતી. આ દરમિયાન તે ઊંચાઈવાળા પર્વતીય વિસ્તારમાંથી પણ પસાર થયું હતું. આ પ્લેન બનાવનારી કંપની સ્ટ્રેટોલોન્ચે જણાવ્યું કે આ પ્લેન 23500 ફૂટની ઉંચાઈ સુધી ગયું હતું.
કંપનીએ કહ્યું કે, આ પ્લેનની શ્રેષ્ઠ ઉડાન હતી. અગાઉની ફ્લાઇટમાં, વિમાન લગભગ 17,000 ફૂટની ઊંચાઈએ ગયું હતું. આ એરક્રાફ્ટને 35,000 ફૂટની ઉંચાઈ પર ઉડવા માટે બનાવવામાં આવ્યું છે. કંપનીના સીઈઓએ કહ્યું કે આ સફળ ઉડાન છે અને તેઓ પુષ્ટિ કરે છે કે, વિમાન ખૂબ સારી રીતે કામ કરી રહ્યું છે. આ એરક્રાફ્ટમાં બોઈંગ 747ના 6 એન્જિન છે અને તેની મદદથી હાયપરસોનિક એરક્રાફ્ટને હવામાં ઉડાવી શકાય છે.
The team is rounding out a successful Roc carrier aircraft test flight with two low approach maneuvers before landing. We’re excited to get the aircraft on the ground and start analyzing all of the great data we collected today! #LetsRoc pic.twitter.com/FcwHbv8qmo
— Stratolaunch (@Stratolaunch) January 16, 2022
આ વિમાનના ઈતિહાસમાં આ ત્રીજી ઉડાન હતી. અમેરિકી રાજ્ય કેલિફોર્નિયાના એરપોર્ટ પરથી તેને ઉડાડવામાં આવ્યું હતું. આ વિમાનની પાંખો 117 મીટર છે. સ્ટ્રેટોલોન્ચ કંપનીની સ્થાપના માઇક્રોસોફ્ટના સહ-સ્થાપક પોલ એલન દ્વારા વર્ષ 2011માં કરવામાં આવી હતી. આ એરક્રાફ્ટ બનાવવાનો હેતુ એ હતો કે સેટેલાઇટને હવામાંથી જ સરળતાથી અંતરિક્ષમાં લોન્ચ કરી શકાય. આ વિમાન સુપરસોનિક વાહનોને આકાશમાં લઈ જવા સક્ષમ છે.
તેમાં લાગેલા 6 શક્તિશાળી એન્જિન 249475.804 કિગ્રા વજન હવામાં 35 હજાર ફૂટની ઉંચાઈ સુધી લઈ જઈ શકે છે. આ એક કોન્સેપ્ટ એરક્રાફ્ટ છે જે મોટી ઉંચાઈથી રોકેટ લોન્ચ કરી શકે છે. આનાથી ભવિષ્યમાં પરંપરાગત રીતે સેટેલાઇટ લોન્ચ કરવાનો વૈકલ્પિક માધ્યમ મળી શકે છે. આ કંપનીને 2018માં પોલ એલનના મૃત્યુ બાદ વેચવામાં આવી હતી. તેના નવા માલિકો હવે આ એરક્રાફ્ટમાંથી હાઇપરસોનિક રોકેટ લોન્ચ કરવા માંગે છે, જેની ઝડપ અવાજ કરતા 5 ગણો વધારે છે.
