મહેન્દ્ર સિંહ ધોની માત્ર એક મહાન કેપ્ટન જ નથી સાબિત થયો પરંતુ તેણે વિકેટકીપર તરીકે પણ ઘણી હેડલાઈન્સ બનાવી હતી. વિકેટ પાછળની તેની ચપળતાએ વિરોધી બેટ્સમેનોને ક્રિઝ છોડવાનું વિચારવા મજબૂર કર્યા છે, કારણ કે ધોની આંખનાં પલકારામાં બેઈલ્સને વેરવિખેર કરતો હતો. ધોનીને આઉટ કરવો પણ સરળ નહોતું કારણ કે તે વિકેટની વચ્ચે ખૂબ જ ઝડપથી દોડતો હતો. આ દરમિયાન ધોનીનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં તે ટ્રેનથી પણ ઝડપી દોડતો જોવા મળ્યો હતો.
આ પણ વાંચો – IND vs SA / સીરીઝમાં સફાયા બાદ ટીમ ઈન્ડિયા માટે વધુ એક ખરાબ સમાચાર સામે આવ્યા
આપને જણાવી દઇએ કે, અભ્યાસ ક્ષેત્ર સાથે સંબંધિત કંપની “Unacademy” એ સોમવારે ધોનીનાં નવા અવતારનો વીડિયો શેર કર્યો હતો. ધોનીનો આવો અવતાર જે તમે પહેલા નહિ જોયો હોય. ધોનીએ તેની કારકિર્દીમાં અત્યાર સુધીની તમામ જાહેરાતો કરી છે, પરંતુ આ વખતે તેણે Unacademy માટે જે જાહેરાત કરી છે તે સૌથી શાનદાર માનવામાં આવે છે. સોશિયલ મીડિયા પર ચાહકો તેની પ્રશંસા કરી રહ્યા છે અને તે ચર્ચાનો વિષય બની રહ્યો છે. રસપ્રદ વાત એ છે કે આ વીડિયો બનાવવામાં Unacademy ને એક વર્ષનો સમય લાગ્યો હતો. જણાવી દઇએ કે, જાહેર કરાયેલા વીડિયોમાં જોઈ શકાય છે કે ધોની કેવી રીતે ટ્રેન કરતા વધુ ઝડપથી દોડી રહ્યો છે. વિદ્યાર્થીઓને પ્રોત્સાહિત કરવા માટે ધોનીને ટ્રેન સાથે રેસિંગ કરતો બતાવવામાં આવ્યો છે. પછી અંતે ધોનીની રેસ સામે ટ્રેન રાખ થઇ જાય છે. આ જાહેરાત દ્વારા સંદેશ આપવામાં આવ્યો છે કે ચેમ્પિયન બનવા માટે દરેક અવરોધોને દૂર કરવા માટે, તમારી નજર તમારા ધ્યેય પર દ્રઢ સંકલ્પ સાથે રાખો. આ આંતરરાષ્ટ્રીય શિક્ષણ દિવસ, મુશ્કેલ સમયમાં પાઠ નંબર-7 યાદ રાખો. જે રીતે વીડિયો શૂટ કરવામાં આવ્યો હતો. ઉપયોગમાં લેવાયેલા ગ્રાફિક્સ, જે રીતે એડિટીંગ કરવામાં આવ્યા છે તે જોતા લાગે છે કે આ વીડિયોને તૈયાર કરવામાં ઘણો સમય લાગ્યો હશે.
આ પણ વાંચો – Cricket / પાકિસ્તાન ક્રિકેટ ટીમનો કેપ્ટન બાબર આઝમ બન્યો વર્ષ 2021 નો સર્વશ્રેષ્ઠ ODI ક્રિકેટર
આ વીડિયો જોઈને પૂર્વ ભારતીય ઓપનર વીરેન્દ્ર સેહવાગ પણ આશ્ચર્યચકિત થઈ ગયો હતો. તેણે આ વીડિયોને હેલિકોપ્ટરની જેમ અદભૂત ગણાવ્યો હતો. વીડિયો શેર કરતા સેહવાગે લખ્યું, “ખૂબ સરસ! આ હેલિકોપ્ટર શોટ જેટલો જ સારો છે ધોની. આ તમારી અને દરેક ક્રિકેટરની વાર્તા છે. મારી કારકિર્દીમાં ઉંચાઈ હાંસલ કરવા માટે ઘણી ખામીઓ યાદ અપાવે છે. શાનદાર જીવન પાઠ. બોલિવૂડનાં ફેમસ એક્ટર અનુપમ ખેરને પણ ધોનીનો વીડિયો ઘણો પસંદ આવ્યો છે. વીડિયો શેર કરતાં તેમણે લખ્યું, “મર્યાદાઓ અને પરેશાનીઓ જીવનનો એક ભાગ છે અને સફળ થવાનો એકમાત્ર રસ્તો છે તેને તોડવુ. બે બાબતો જે આપણને આ કરવામાં મદદ કરી શકે છે તે છે દ્રઢતા અને ધ્યેય પર કેન્દ્રિત રહેવું. યુવા દિમાગને પ્રેરણા આપવાની સરસ રીત.