Mumbai Police News : મુંબઈમાં વડાપ્રધાન નરેન્દ્ર મોદીના કાર્યક્રમ પહેલાં સુરક્ષા વ્યવસ્થાને લઈને મોટી કાર્યવાહી કરવામાં આવી છે. BKCમાં નકલી ઓળખપત્ર (Fake ID) સાથે પ્રવેશવાનો પ્રયાસ કરવાના આરોપસર 24 વર્ષીય યુવક રોહન પારેખને પોલીસે અટકાવ્યો છે. તેની સાથે રહેલા બોડીગાર્ડ પાસેથી બંદૂક મળી આવ્યાનો પણ પોલીસનો દાવો છે.પોલીસના જણાવ્યા પ્રમાણે, યુવકે પોતે વડાપ્રધાન કાર્યાલય એટલે કે PMO અધિકારી (PMO Officer) હોવાનો દાવો કર્યો હતો. જોકે, તપાસ દરમિયાન તેની પાસે રહેલા ઓળખપત્ર અંગે શંકા ઊભી થતાં પોલીસે તેને રોકીને પૂછપરછ કરી હતી.
PMO અધિકારી તરીકે BKCમાં Fake ID સાથે પ્રવેશવાનો પ્રયાસ
મુંબઈ પોલીસના જણાવ્યા પ્રમાણે, 7 સપ્ટેમ્બરના રોજ BKC વિસ્તારમાં શંકાસ્પદ રીતે પ્રવેશવાનો પ્રયાસ કરનાર યુવકની તપાસ કરવામાં આવી હતી. તપાસ દરમિયાન તેની પાસેથી મળેલા ઓળખપત્રો નકલી હોવાની માહિતી સામે આવી હતી.
આ સમગ્ર મામલે યુવક અને તેની સાથે રહેલા બોડીગાર્ડ વિરુદ્ધ BKC પોલીસ સ્ટેશનમાં કેસ નોંધવામાં આવ્યો છે. ઘટનાની ગંભીરતાને ધ્યાનમાં રાખીને મુંબઈ ક્રાઈમ બ્રાન્ચ (Mumbai Police) દ્વારા વધુ તપાસ હાથ ધરવામાં આવી છે.
બોડીગાર્ડ પાસેથી બંદૂક મળ્યાનો પોલીસનો દાવો
પોલીસના જણાવ્યા પ્રમાણે, યુવક એકલો નહોતો. તેની સાથે રહેલા બોડીગાર્ડ પાસેથી એક બંદૂક મળી આવી હતી. આથી પોલીસે બંનેની પૂછપરછ શરૂ કરી છે.
પોલીસ હવે એ દિશામાં પણ તપાસ કરી રહી છે કે નકલી ઓળખનો ઉપયોગ કરીને મહત્વપૂર્ણ સ્થળે પ્રવેશવાનો પ્રયાસ શા માટે કરવામાં આવ્યો હતો અને તેમની પાસે રહેલા હથિયારનો હેતુ શું હતો.
PM મોદીના કાર્યક્રમ પહેલાં સુરક્ષા વધારાઈ
મંગળવારે વડાપ્રધાન નરેન્દ્ર મોદી મુંબઈના BKC વિસ્તારમાં જિયો વર્લ્ડ સેન્ટર ખાતે યોજાનારા ગ્લોબલ ફિનટેક ફેસ્ટ 2026માં હાજરી આપવાના છે. તેઓ કાર્યક્રમનું ઉદ્ઘાટન કરીને સંબોધન પણ કરવાના છે.
PM મોદી કાર્યક્રમ (PM Modi Event) પહેલાં જ શંકાસ્પદ વ્યક્તિની અટકાયત થતાં સુરક્ષા એજન્સીઓ વધુ સતર્ક બની છે. BKC જેવા હાઈ-સિક્યુરિટી વિસ્તારમાં નકલી ઓળખપત્ર સાથે પ્રવેશના પ્રયાસને સુરક્ષા વ્યવસ્થાના દૃષ્ટિકોણથી ગંભીરતાથી જોવામાં આવી રહ્યો છે.
ક્રાઈમ બ્રાન્ચ તપાસમાં લાગી
મુંબઈ ક્રાઈમ બ્રાન્ચ (BKC Security) હવે સમગ્ર ઘટનાની તપાસ કરી રહી છે. પોલીસ આરોપીની ઓળખ, નકલી ઓળખપત્ર ક્યાંથી મેળવવામાં આવ્યા, સ્થળમાં પ્રવેશવાનો હેતુ અને બોડીગાર્ડ પાસે રહેલી બંદૂક અંગેની વિગતો એકત્ર કરી રહી છે.
હાલમાં પોલીસ તપાસ ચાલી રહી હોવાથી ઘટનાના પાછળના ચોક્કસ કારણ અંગે સત્તાવાર રીતે અંતિમ માહિતી સામે આવી નથી.
