રશિયા અને યુક્રેન વચ્ચેના યુદ્ધનો આજે 25મો દિવસ છે. હજુ સુધી બંને દેશો વચ્ચે કોઈ સમજૂતી થઈ નથી. રશિયન દળોએ મારીયુપોલની એક શાળા પર બોમ્બમારો કર્યો છે. જણાવવામાં આવી રહ્યું છે કે આ સ્કૂલમાં લગભગ 400 લોકોએ આશરો લીધો હતો. બીજી તરફ યુક્રેનનો દાવો છે કે આજે (રવિવારે) સવારે 11 વાગ્યા સુધીમાં લગભગ 14,700 રશિયન સૈનિક યુદ્ધમાં માર્યા ગયા છે. યુક્રેનની મિલિટરી ઈન્ટેલિજન્સે દાવો કર્યો છે કે રશિયાના ઉચ્ચ વર્ગ દેશના આર્થિક સંબંધોને પુનઃસ્થાપિત કરવા માટે પુતિનને સત્તા પરથી હટાવવાની યોજના બનાવી રહ્યા છે. યુક્રેનના જનરલ સ્ટાફે દેશના પશ્ચિમી ભાગો પર બેલારુસિયન હુમલાનું ઉચ્ચ જોખમ વ્યક્ત કર્યું છે.
એક મિલિયનથી વધુ યુક્રેનિયનો વીજળી વિના જીવે છે
યુક્રેનના વીજળી મંત્રાલયે કહ્યું છે કે દેશ વિરુદ્ધ રશિયાના યુદ્ધને કારણે 10 લાખથી વધુ યુક્રેનિયન નાગરિકો વીજળી વગરના રહી ગયા છે. આ સિવાય બે લાખ 78 હજાર નાગરિકો ગેસ વિના ફસાયેલા છે.
ઝેલેન્સકીએ કહ્યું- હું પુતિન સાથે વાત કરવા તૈયાર છું પરંતુ…
રશિયાના હુમલાનો સામનો કરી રહેલા યુક્રેનના રાષ્ટ્રપતિ વોલોદિમીર ઝેલેન્સકીએ કહ્યું છે કે હું વ્લાદિમીર પુતિન સાથે વાત કરવા તૈયાર છું, પરંતુ જો આ વાતચીત નિષ્ફળ જશે તો તેનો અર્થ ત્રીજું વિશ્વ યુદ્ધ થઈ શકે છે. આ માહિતી યુક્રેનની મીડિયા સંસ્થા ‘ધ કિવ ઈન્ડિપેન્ડન્ટ’ દ્વારા આપવામાં આવી છે.
યુક્રેનમાં ઓછામાં ઓછા 902 નાગરિકો માર્યા ગયા
યુનાઈટેડ નેશન્સ ઓફિસ ઓફ હ્યુમન રાઈટ્સ (OHCHR) એ જણાવ્યું છે કે યુક્રેનમાં રવિવારની મધ્યરાત્રિ (સ્થાનિક સમય) સુધીમાં ઓછામાં ઓછા 902 નાગરિકો માર્યા ગયા છે અને 1459 ઘાયલ થયા છે. રશિયાએ 24 ફેબ્રુઆરીએ યુક્રેન પર હુમલો કર્યો હતો જેને તે વિશેષ લશ્કરી ઓપરેશન કહે છે.
ભય: બેલારુસ પશ્ચિમ યુક્રેન પર હુમલો કરી શકે છે
યુક્રેનના જનરલ સ્ટાફે દેશના પશ્ચિમી ભાગો પર બેલારુસિયન હુમલાનું ઉચ્ચ જોખમ વ્યક્ત કર્યું છે. યુક્રેનની સશસ્ત્ર દળોએ કહ્યું છે કે ગુપ્તચર માહિતી અનુસાર, બેલારુસ આગામી થોડા દિવસોમાં રશિયાના હુમલામાં સામેલ થશે. આ માહિતી યુક્રેનની મીડિયા સંસ્થા ‘ધ કિવ ઈન્ડિપેન્ડન્ટ’ દ્વારા આપવામાં આવી છે.
આરોપ: રશિયાએ લુહાન્સ્કમાં 56 વૃદ્ધોની હત્યા કરી
યુક્રેનના માનવાધિકાર લોકપાલ લ્યુડમિલા ડોનિસોવાએ આરોપ લગાવ્યો છે કે રશિયન દળોએ લુહાન્સ્ક ક્ષેત્રમાં કેટલાય વૃદ્ધ નાગરિકોની હત્યા કરી છે. તેણે ટેલિગ્રામ પોસ્ટમાં લખ્યું છે કે આજે લુહાન્સ્ક ક્ષેત્રમાં રશિયન સૈનિકો દ્વારા 56 વૃદ્ધોની હત્યાના જઘન્ય અપરાધ વિશે વધુ માહિતી પ્રાપ્ત થઈ છે. તેણે કહ્યું કે આ ઘટના 11 માર્ચે ક્રેમિન્નામાં બની હતી.
શિક્ષણ/ ગુજરાત CETની પરીક્ષા આ તારીખે યોજાશે
National/ કાશ્મીર ફાઇલ ને લઇ ગુલામ નબી આઝાદે કહ્યું- 24 કલાક વિભાજિત કરવાનું કામ રાજકીય પક્ષો જ કરી શકે
બનાસકાંઠા/ ટ્રકમાંથી દારૂ પકડનાર કોંગ્રેસના ધારાસભ્ય ગેનીબેન ઠાકોર સામે પોલીસે અપહરણનો કેસ નોંધ્યો
