અમેરિકામાં અશ્વેત જ્યોર્જ ફ્લોયડનાં મોત બાદ હિંસા બંધ થવાનું નામ નથી લઈ રહી. હિંસાની આગ હવે વ્હાઇટ હાઉસ સુધી પહોંચી ગઈ છે. હિંસાનાં કારણે ફરીથી કર્ફ્યુ લાદવામાં આવ્યો છે. વળી વ્હાઇટ હાઉસની સુરક્ષામાં વધારો કરવામાં આવ્યો છે. વ્હાઇટ હાઉસ નજીક વિરોધીઓને રોકવા માટે આંસુ ગેસનાં શેલ છોડવામાં આવી રહ્યા છે.
આ વચ્ચે રાષ્ટ્રપતિ ડોનાલ્ડ ટ્રમ્પે પણ પ્રદર્શનકારીઓને ભીડની હિંસા બંધ કરવા અપીલ કરી હતી. તેમણે કહ્યું હતું કે, ફ્લોયડ અને તેના પરિવારને ન્યાય અપાવવા પર પ્રતિબંધિત છે. તેઓ તેમને ન્યાય અપાવીને જ રહેશે, પરંતુ તેઓએ હિંસા દરમિયાન દુકાનોને લૂંટી લેતા પ્રદર્શનકારીઓ પર નારાજગી વ્યક્ત કરી હતી અને કહ્યું હતું કે હિંસા અને લૂંટ ચલાવનારા લોકોએ જ્યોર્જનું અપમાન કર્યું છે. પોલીસ કસ્ટડીમાં રહેલા મિનીયાપોલિસનાં અશ્વેત વ્યક્તિ જ્યોર્જ ફ્લોયડનાં મોત બાદ યુએસમાં હિંસા ફાટી નીકળી છે. રાષ્ટ્રપતિ ટ્રમ્પે જ્યોર્જ ફ્લોઇડનાં મોતને ત્રાસદી ગણાવતા કહ્યું હતું કે આવું ક્યારેય ન બનવુ જોઇએ. તેમણે કહ્યું કે આ ઘટનાથી દેશમાં ભય, ગુસ્સો અને શોક ભરાઈ ગયો છે. તેમણે કહ્યું કે ન્યાય અને શાંતિ મેળવવા માંગતા દરેક અમેરિકનનો મિત્ર અને સાથી તરીકે હું તમારી સામે ઉભો છું, પરંતુ લૂંટ ચલાવીને અને હુમલો કરીને હિંસા ભડકાવનારાઓ જ્યોર્જનું અપમાન કરી રહ્યા છે.
ટ્રમ્પે કહ્યું હતું કે તેઓ શાંતિપૂર્ણ વિરોધ કરનારાઓનાં હકનું સમર્થન કરે છે, પરંતુ અમેરિકાની શેરીઓમાં જે જોવા મળ્યું છે તેને શાંતિ અને ન્યાય સાથે કોઈ લેવા-દેવા નથી. તેમણે કહ્યું હતું કે તોફાની, લૂંટારુઓ જે લોકોને ડરાવે છે, નોકરીઓ ખતમ કરે છે, દુકાનો અને બજારોને નુકસાન કરે છે અને ઇમારતોને બાળી નાખે છે તેઓ જ્યોર્જ ફ્લોયડની યાદોનું અપમાન કરી રહ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
