વરૂણ ધવનની ફિલ્મ જુડવા-2 એ બૉક્સ ઑફિસ પર રૂ. 137 કરોડની કમાણી કરી છે, જે 2017 ની સૌથી વધુ કમાણી કરનાર બૉલીવુડની ફિલ્મ છે. બાહુબલી 2, જે મૂળ રીતે તેલુગુમાં બનાવવામાં આવી હતી, તે સમગ્ર વર્ષ દરમિયાન સૌથી મોટી હિટ બની રહી છે. જ્યારે આ ફિલ્મે વિશ્વભરમાં 1700 કરોડથી વધુ કમાણી કરી હતી, ત્યારે તેના ડબ્ડ હિન્દી વર્ઝને આશરે રૂ. 510 કરોડની કમાણી કરી હતી.
જુડવા-2 સલમાન ખાનની 1997 ની હિટ કોમેડી જુડવાની રીમેક છે, જેમાં મુખ્ય ભૂમિકામાં કરિશ્મા કપૂર અને રમ્ભા દર્શાવવામાં આવ્યા છે. જુડવા અને જુડવા-2 બંને ડેવિડ ધવન દ્વારા નિર્દેશિત કરવામાં આવી હતી. સલમાને પણ વરૂણ ધવનની આ ફિલ્મમાં મહેમાનની ભૂમિકા ભજવી હતી. શાહરૂખ ખાન અભિનિત ફિલ્મ રઈસ એ રૂ. 128 કરોડની કમાણી કરી છે જ્યારે અક્ષય કુમારની ટોયલેટ-એક પ્રેમ કથાએ 132 કરોડ રૂપિયા કમાયા છે.
2017 માં અત્યાર સુધી સૌથી વધુ કમાણી કરનાર ફિલ્મો છે: જુડવા-2 (રૂ. 137 કરોડ), ટોયલેટ-એક પ્રેમ કથા (132 કરોડ રૂપિયા), રઈસ (રૂ. 128 કરોડ), ટ્યુબલાઇટ (114 કરોડ રૂપિયા) અને બદ્રીનાથ કી દુલ્હનીયા (રૂ. 110 કરોડ).
