ભૂતપૂર્વ ક્રિકેટ કેપ્ટન મોહમ્મદ અઝહરુદ્દીને કહ્યું છે કે જો તેમને ભવિષ્યમાં તક મળે તો તે ભારતીય ક્રિકેટ ટીમનાં કોચ બનવા માટે તૈયાર છે. અઝહરુદ્દીને ગલ્ફ ન્યૂઝને આપેલા ઇન્ટરવ્યુમાં કહ્યું હતું કે, હા, હું તેમની સેવા કરવા તૈયાર છું. જો મને ભારતીય ક્રિકેટ ટીમ સાથે કામ કરવાની તક મળે તો હું આંખ મીંચ્યા વિના તેને પકડવા તૈયાર છું.”
હાલમાં રવિ શાસ્ત્રી ભારતીય ક્રિકેટ ટીમનાં મુખ્ય કોચ છે અને તેમનો કાર્યકાળ 2021 ટી-20 વર્લ્ડ કપ સુધીનો છે. અઝહરુદ્દીને આશ્ચર્ય વ્યક્ત કર્યું કે આજનાં સમયમાં ઘણા ‘સપોર્ટ સ્ટાફ‘ ટીમ સાથે મુસાફરી કરે છે. હાલમાં હૈદરાબાદ ક્રિકેટ એસોસિએશન (એચસીએ) નાં અધ્યક્ષ અઝહરુદ્દીને કહ્યું, “મને જોઈને આશ્ચર્ય થાય છે કે આ દિવસોમાં ઘણા લોકો ક્રિકેટ ટીમ સાથે મુસાફરી કરે છે. ઉદાહરણ તરીકે, મારી કુશળતા બેટિંગ અને ફિલ્ડિંગમાં છે અને જો હું કોઈ ટીમનો કોચ છું તો મારે બેટિંગ કોચની શું જરૂર છે.”
અઝહરુદ્દીને એમ પણ કહ્યું હતું કે તેમને આશા છે કે આઈપીએલ, જે કોરોનાનાં કારણે સ્થગિત કરી દેવામાં આવેલ છે, જેના માટે વર્ષનાં અંતમાં એક વિંડો હશે. જો ઓસ્ટ્રેલિયામાં ટી-20 વર્લ્ડ કપ તેમના સમયપત્રક પર કરવામાં નહીં આવે, તો બીસીસીઆઈ ઓક્ટોબરમાં તેને પૂર્ણ કરાવવામાં કામ કરી રહી છે. પૂર્વ કેપ્ટને કહ્યું, ‘હું આશા રાખું છું કે લીગને વર્ષનાં અંત સુધીમાં વિંડો મળી શકશે, જ્યાં અમારી પાસે હોસ્ટ કરવા માટે ઓછામાં ઓછી સાત મેચ હોઇ શકે. લીગે છેલ્લા 10-12 વર્ષોમાં રમતને ઘણું આપ્યું છે.”
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
