ભારત -પાકિસ્તાનની મેચમાં કરોડોનો સટ્ટો ખેલાયો છે અને આ આંકડો વધી રહ્યાે છે,બન્ને ટીમમાં ભારત હોટ ફેવરીટ છે. t-20 વર્લ્ડકપમાં રવિવારે ભારત અને પાકિસ્તાન વચ્ચે યોજાનારા હાઈ પ્રોફાઈલ મુકાબલા માટે અત્યાર સુધીમાં 1500 કરોડ રૂપિયાનો સટ્ટો લાગી ચુકયો હોવાનુ અનુમાન થઈ રહ્યુ છે.
ક્રિકેટ ચાહકોની નજર આ મેચ પર છે ત્યારે એવુ કહેવાઈ રહ્યુ છે કે, સટ્ટા બજારમાં આ મેચ જીતવા માટે ભારત ફેવરિટ છે. અત્યાર સુધીમાં 1500 કરોડ રૂપિયાનો સટ્ટો લાગી ચુકયો છે અને મેચ માટે ટોસ ઉછળશે ત્યાં સુધીમાં આ આંકડો 2000 થી 2500 કરોડ રૂપિયા સુધી પહોંચી જાય તેવી શક્યતા છે.
ભારતનો રેટ હાલમાં 57, 58 છે. ઓનલાઈન સટ્ટાબાજી ની સાઈટ દ્વારા દેશભરના તમામ નાના, મોટા અને હાઈ પ્રોફાઈલ બુકીઓએ આ મોટી મેચ પર કરોડોનો સટ્ટો લગાવ્યો છે.
એવુ કહેવાય છે કે, દેશભરના મોટા બૂકીઓ હાલમાં દુબઈમાં છે. એક અહેવાલમાં દુબાઈના એક બૂકીને ટાંકીને કહેવાયુ છે કે, ઓનલાઈન બેટિંગ સાઈટ થકી દેશના તમામ નાના મોટા સટોડિયાઓએ કરોડો રૂપિયાનો સટ્ટો મેચ પર લગાવ્યો છે. આ વેબસાઈટ ભારત બહારથી ઓપરેટ થઈ રહી છે અને તેના પર કરોડો રૂપિયાનો સટ્ટો રમાઈ રહ્યો છે.
બીજી તરફ ભારતીય ક્રિકેટ બોર્ડના એન્ટી કરપ્શન યુનિટના મોટા અધિકારીઓ પણ દુબઈ અને અબુધાબીમાં પહોંચીને નજર રાખી રહ્યા છે. તેમનુ કહેવુ છે કે, દરેક હિલચાલ પર અમારી નજર છે અને તેમાં પ્લેયરોની સુરક્ષાનો મુદ્દો પણ સામેલ છે.
