ગુજરાત સરકારે ગુરુવારે જણાવ્યું હતું કે છેલ્લા બે વર્ષમાં રાજ્યમાં કસ્ટડીમાં 188 લોકોના મોત થયા છે. સરકારે આ માહિતી વિધાનસભામાં એક પ્રશ્નના લેખિત જવાબમાં આપી હતી. આ સાથે મુખ્યમંત્રી ભૂપેન્દ્ર પટેલે ગૃહમાં પ્રશ્નકાળ દરમિયાન કોંગ્રેસના ધારાસભ્ય પરેશ ધાનાણીના પ્રશ્નના જવાબમાં જણાવ્યું હતું કે 2020માં કસ્ટોડિયલ ડેથના 88 અને 2021માં 100 કેસ નોંધાયા હતા.
પટેલ હોમ પોર્ટફોલિયો પણ ધરાવે છે. આ સંદર્ભે પોલીસ અધિકારીઓ સામે સરકાર દ્વારા લેવામાં આવેલી કાર્યવાહી અંગેના પૂરક પ્રશ્નના જવાબમાં પટેલે જણાવ્યું હતું કે રાજ્ય સરકારે ઘણી એફઆઈઆર નોંધી છે અને વિભાગીય તપાસ શરૂ કરવામાં આવી છે. તેમણે કહ્યું કે સસ્પેન્શનના આદેશો જારી કરવામાં આવ્યા છે અને આવા અધિકારીઓ પર રોકડ દંડ પણ લાદવામાં આવ્યો છે.
મુખ્યમંત્રીએ કહ્યું કે સરકારે કસ્ટડીમાં જીવ ગુમાવનારા તમામ લોકોના પરિવારજનોને રૂ.6 લાખનું વળતર આપ્યું છે. પટેલે ગૃહને જણાવ્યું હતું કે સરકારને ભલામણો મળી હતી તેવા તમામ કેસોમાં વળતર ચૂકવવામાં આવ્યું હતું.
હવામાન / ગુજરાતમાં આકાશમાંથી વરસી રહી છે ‘આગ’, અમદાવાદમાં હીટવેવે તોડ્યો 20 વર્ષનો રેકોર્ડ
રાજકીય / રાજ્યમાં PM મોદીના બે રોડ શો : શું આગામી વિધાનસભા ચૂંટણી વહેલી યોજાશે ?
