2 deaths due to H3N2: દેશમાં H3N2 વાયરસને લઈને વધી રહેલી ચિંતા વચ્ચે એક રાહતના સમાચાર સામે આવ્યા છે. કેન્દ્રીય આરોગ્ય મંત્રાલયે માહિતી આપી હતી કે રીઅલ ટાઇમ આધાર પર IDSP નેટવર્ક દ્વારા રાજ્યોમાં કેસોનું નિરીક્ષણ અને ટ્રેકિંગ કરવામાં આવી રહ્યું છે. મોસમી ઈન્ફલ્યુએન્ઝાના H3N2 પેટાપ્રકારના કેસોની નજીકથી દેખરેખ રાખવામાં આવી રહી છે. મંત્રાલયનો દાવો છે કે માર્ચના અંત સુધીમાં મોસમી ઈન્ફલ્યુએન્ઝાના કેસમાં ઘટાડો થવાની ધારણા છે. આ સાથે જ મનસુખ માંડવિયાએ ઈન્ફલ્યુએન્ઝા વાયરસના વધતા જતા કેસ અંગે સમીક્ષા બેઠક યોજી હતી.
આ વાયરસને કારણે દેશમાં અત્યાર સુધીમાં 6 લોકોના મોતનો દાવો કરવામાં આવી રહ્યો છે. જો કે સરકારે કર્ણાટક અને હરિયાણામાં વાયરસના કારણે એક-એક મૃત્યુની પુષ્ટિ કરી છે, બાકીના ચાર લોકોના મૃત્યુનું કારણ જાણવા માટે તપાસ ચાલુ છે. સૂત્રોના જણાવ્યા અનુસાર કર્ણાટક, પંજાબ અને હરિયાણામાં H3N2 વાયરસના કારણે મોત સામે આવ્યા છે. જો કે, H3N2 થી મૃત્યુનું કારણ નક્કી કરવા માટે વધુ તપાસની જરૂર છે. કર્ણાટકના હાસનમાં H3N2 વાયરસના કારણે એક વ્યક્તિના મોતની પુષ્ટિ થઈ છે. મૃતક દર્દીની ઓળખ એચ ગૌડા તરીકે થઈ છે. તેઓ 82 વર્ષના હતા. તેમને 24 ફેબ્રુઆરીએ હોસ્પિટલમાં દાખલ કરવામાં આવ્યા હતા. 1 માર્ચના રોજ તેમનું અવસાન થયું. આ પછી તેમના સેમ્પલ પરીક્ષણ માટે મોકલવામાં આવ્યા હતા. 6મી માર્ચે IA રિપોર્ટમાં H3N2ની પુષ્ટિ થઈ છે.
ફોર્ટિસ હોસ્પિટલના ઈન્ટરનલ મેડિસિન ડો. વિશાલ ગુપ્તા કહે છે કે આ ઈન્ફલ્યુએન્ઝા પ્રદૂષણને એકત્ર કરતા પરિબળોને કારણે પણ ફેલાય છે. મોટાભાગના લોકો માસ્ક પહેરતા નથી. ઈન્ફલ્યુએન્ઝાના લક્ષણો મળ્યા બાદ લોકો જાતે જ દવાઓ લઈ રહ્યા છે, જેના કારણે બ્રોન્કાઈટિસ જેવા કેસ સામે આવી રહ્યા છે. ICMRએ આ વાયરસથી બચવા માટે એડવાઈઝરી જારી કરી છે. ડોકટરોના જણાવ્યા મુજબ, ઈન્ફલ્યુએન્ઝાના મોટાભાગના દર્દીઓમાં સમાન લક્ષણો હોય છે. જેમ કે ઉધરસ, ગળામાં ચેપ, શરીરમાં દુખાવો, નાકમાં પાણી આવવું. AIIMSના ભૂતપૂર્વ ડિરેક્ટર ડૉ. રણદીપ ગુલેરિયાએ કહ્યું કે H3N2 એક પ્રકારનો ઈન્ફલ્યુએન્ઝા વાયરસ છે, જેના દર વર્ષે આ સમયે દર્દીઓ સામે આવે છે. તે એક વાયરસ છે જે સમય જતાં પરિવર્તિત થાય છે.
ડૉ. ગુલેરિયા કહે છે કે આ ઈન્ફલ્યુએન્ઝા વાયરસ કોવિડની જેમ જ ટીપાં દ્વારા ફેલાય છે. ફક્ત તે લોકોએ સાવચેત રહેવાની જરૂર છે, જેમને પહેલાથી જ આ રોગ છે. સાવચેતી રૂપે માસ્ક પહેરો, વારંવાર હાથ ધોવા, શારીરિક અંતર રાખો. જો કે, આને રોકવા માટે એક રસી પણ ઉપલબ્ધ છે. AIIMSના મેડિસિન વિભાગના પ્રોફેસર પીયૂષ રંજને જણાવ્યું કે H3N2 ઉપલા શ્વસન માર્ગને અસર કરે છે. જેમ કે તાવ, ઉધરસ, શરદી, ગળા, નાક અને આંખોમાં લાંબા સમય સુધી બળતરા. તે ઝડપથી ફેલાઈ રહ્યો છે. લોકોએ પોતાની રોગપ્રતિકારક શક્તિ જાળવી રાખવી જોઈએ અને પોતાને હાઈડ્રેટ રાખવા ઉપરાંત ભીડવાળી જગ્યાએ માસ્ક પહેરવા જોઈએ. તેમણે કહ્યું કે દર્દીએ ઠંડુ પાણી, આઈસ્ક્રીમ, ઠંડા પીણા કે તેલયુક્ત ખોરાકનો ઉપયોગ ટાળવો જોઈએ. લોકોએ વિટામિન સી અને ઝિંકનું સેવન કરવું જોઈએ. તેમણે કહ્યું કે દર વર્ષે ઈન્ફલ્યુએન્ઝા રસી લેવાથી આ રોગચાળો અટકાવવામાં મદદ મળી શકે છે.
આ પણ વાંચો: Health Fact/આ કારણોસર રોટલીમાં દેશી ઘી લગાવીને ખાઓ, શરીરને મળશે આ જરૂરી વિટામિન
આ પણ વાંચો: Entertentment/તમિલ ફિલ્મ ઈન્ડસ્ટ્રીએ ઈલિયાના ડીક્રુઝ પર મૂક્યો પ્રતિબંધ, નિર્માતાએ અભિનેત્રી પર લગાવ્યો આ ગંભીર આરોપ!
આ પણ વાંચો: Photo Gallery/મૌની રોયનો નવો લૂક ફરી ચર્ચામાં, રિવીલિંગ સ્કર્ટ પહેરીને બતાવી કિલર સ્ટાઇલ
